Genesis 47:7 - Ang Pulong sa Dios

⁷ Gidala ni Jose ang iyang amahan ngadto sa hari ug gipaila-ila. Gipanalanginan ni Jacob ang hari,

Ang Biblia 2011

⁷ Unya gipasulod ni Jose ang iyang amahan ug iyang gipaatubang sa Paraon ug gipanalanginan ni Jacob ang Paraon.

Maayong Balita Biblia

⁷ Unya gidala ni Jose ang iyang amahan nga si Jacob ngadto kang Paraon ug gipanalanginan ni Jacob si Paraon.

Ang Bag-ong Maayong Balita Biblia

⁷ Unya gidala ni Jose ang iyang amahan nga si Jacob ngadto kang Paraon ug gipanalanginan ni Jacob si Paraon.

Genesis 47:7 Cross References

Genesis 14:19

Gipanalanginan niya si Abram nga nag-ingon: “Hinaut pa nga panalanginan ka, Abram, sa Labing Halangdong Dios nga nagbuhat sa langit ug sa yuta.

Genesis 35:27

Miadto si Jacob sa iyang amahan nga si Isaac didto sa Mamre, haduol sa Kiriat Arba (nga gitawag usab ug Hebron). Kining dapita mao ang gipuy-an ni Isaac ug ni Abraham kaniadto.

Genesis 47:10

Pagkahuman gipanalanginan na usab ni Jacob ang hari, ug unya mihawa siya sa presensya sa hari.

Genesis 47:8

ug gipangutana siya niini, “Pila na ang imong edad?”

2 Samuel 14:22

Unya miyukbo si Joab sa pagtahod sa hari ug miingon, “Hinaut nga panalanginan ka sa Ginoo, Mahal nga Hari. Karon nasayod na ako nga nalipay ka kanako tungod kay gituman mo ang akong hangyo.”

2 Samuel 19:39

Gigakos ni David si Barzilai ug gipanalanginan. Unya mitabok si David ug ang tanan niyang tawo sa Suba sa Jordan. Ug mipauli si Barzilai sa iyang balay.

2 Samuel 8:10

gipaadto niya ang iyang anak nga si Joram kang Haring David aron sa pagpangumusta ug sa pagpahalipay kaniya tungod sa iyang pagpildi kang Hadadezer. (Kini si Toi ug si Hadadezer daan na nga managkaaway.) Nagdala si Joram ug mga regalong hinimo sa plata, bulawan, ug bronsi.

1 Mga Hari 1:47

Dugang pa gayod niini, miadto kang Haring David ang iyang mga opisyal sa pagpasidungog kaniya. Miingon sila, ‘Hinaut nga himuon sa imong Dios si Solomon nga mas bantogan kay kanimo, ug himuon niya nga mas mauswagon ang iyang gingharian kay sa imong gingharian.’ Miduko dayon si David diha sa iyang katre sa pagsimba sa Ginoo,

1 Mga Hari 8:66

Pagkahuman sa Pista gipapauli ni Solomon ang mga tawo. Gipanalanginan sa mga tawo si Haring Solomon, ug namauli sila nga malipayon gayod tungod sa tanang kaayo nga gihimo sa Ginoo sa iyang alagad nga si David ug sa iyang katawhan nga mga Israelinhon.

2 Mga Hari 4:29

Miingon si Eliseo kang Gehazi, “Pangandam. Dad-a ang akong sungkod ug lakaw! Kon aduna kay matagboan, ayaw na panimbaya, ug kon adunay manimbaya kanimo ayaw na pagtubag. Pag-abot nimo, ibutang dayon ang akong sungkod sa nawong sa bata.”

Exodo 12:32

Dad-a ninyo ang inyong kahayopan, sumala sa inyong gihangyo, ug lakaw na kamo. Apan pag-ampo usab nga kaloy-an ako!”

Mateo 26:26

Samtang nangaon sila, mikuha si Jesus ug pan. Gipasalamatan niya kini sa Dios ug unya gipikas-pikas. Pagkahuman gihatag niya sa iyang mga tinun-an ug miingon, “Pagkuha kamo ug kan-a, mao kini ang akong lawas.”

Lucas 22:19

Mikuha siya ug pan ug nagpasalamat sa Dios. Unya gipikas-pikas niya kini ug gipanghatag kanila ug miingon, “Mao kini ang akong lawas nga gihatag alang kaninyo. Himoa ninyo kini aron sa paghandom kanako.”

Josue 14:13

Gipanalanginan ni Josue si Caleb nga anak ni Jefune, ug gihatag kaniya ang Hebron isip iyang panulondon.

Josue 22:6

Unya gipanalanginan sila ni Josue ug gipapauli.

1 Pedro 2:17

Tahora ninyo ang tanang mga tawo, ug higugmaa ninyo ang inyong mga igsoon kang Cristo. Pagkinabuhi kamo nga adunay kahadlok sa Dios, ug tahora ninyo ang hari.

1 Samuel 2:20

Ug didto, bendisyonan ni Eli si Elkana ug ang iyang asawa nga nag-ingon, “Hinaut pa nga hatagan ikaw sa Ginoo ug dugang mga anak pinaagi niining imong asawa puli sa usa nga iyang gipangayo ug iya ra usab nga gihatag sa Ginoo.” Ug unya namauli sila.