Genesis 47:26 - Ang Pulong sa Dios

²⁶ Busa gihimo ni Jose nga balaod sa yuta sa Ehipto nga ang ikalima nga bahin sa abot alang sa hari. Kini nga balaod nagpadayon pa hangtod karon. Ang mga yuta lang gayod sa mga pari ang wala mapanag-iya sa hari.

Ang Biblia 2011

²⁶ Busa gihimo kini ni Jose nga balaod mahitungod sa yuta sa Ehipto hangtod karon, nga ang Paraon maoy makaangkon sa ikalima nga bahin gawas lamang sa yuta sa mga pari nga wala maiya sa Paraon.

Maayong Balita Biblia

²⁶ Busa gihimong balaod ni Jose sa tibuok Ehipto nga ang ikalimang bahin sa mga abot adto kang Paraon. Hangtod karon nagpabilin pa kining balaora. Ang yuta sa mga pari mao ray wala mapanag-iya ni Paraon.

Ang Bag-ong Maayong Balita Biblia

²⁶ Busa gihimong balaod ni Jose sa tibuok Ehipto nga ang ikalimang bahin sa mga abot adto kang Paraon. Hangtod karon nagpabilin pa kining balaora. Ang yuta sa mga pari mao ray wala mapanag-iya ni Paraon.

Genesis 47:26 Cross References

Genesis 14:20

Dalaygon ang Labing Halangdong Dios nga naghatag kanimo ug kadaogan batok sa imong mga kaaway!” Unya gihatagan ni Abram si Melquisedek sa ikapulo nga bahin sa tanan nga iyang nakuha sa gubat.

Genesis 28:22

Kining bato nga akong gipatindog isip usa ka handomanan magpamatuod sa imong presensya niini nga dapit. Ug ihatag ko kanimo ang ikapulo sa tanan nga ihatag mo kanako.”

Genesis 41:34

Pagbutang usab ug mga opisyal sa tibuok yuta sa Ehipto aron mangolekta sa ikalima nga bahin sa abot sa kaumahan sulod sa pito ka tuig nga abunda ang abot.

Genesis 47:22

Ang mga yuta lang sa mga pari ang wala mapalit ni Jose. Wala ibaligya sa mga pari ang ilang kayutaan tungod kay gisustentohan sila sa hari.

Genesis 47:25

Miingon ang mga tawo, “Sir, maayo ka kaayo kanamo; giluwas mo ang among kinabuhi. Mosugot kami nga mahimong ulipon sa hari.”

Esdras 7:24

Gipahibalo usab namo kamo nga dili ninyo pabayron ug buhis ug uban pang bayranan ang mga pari, mga Levita, mga musikero, mga tigbalantay sa mga pultahan sa Templo, mga sulugoon sa Templo, ug uban pa nga nagtrabaho niining Templo sa Dios.

Ezequiel 7:24

Ihatag ko ang ilang mga balay sa labihan kadaotan nga mga tawo nga gikan sa uban nga mga nasod. Tapuson ko ang ilang pagpanghambog sa ilang gamhanan nga mga tawo, ug pasagdan ko nga bugal-bugalan ang ilang mga dapit nga simbahanan.

Levitico 27:30

“ ‘Ang ikanapulo nga bahin sa tanang mga abot iya sa Ginoo.

Numeros 18:21

“Bahin sa mga Levita, bayran ko sila sa ilang serbisyo sa Tolda. Ihatag ko kanila ang tanang ikapulo nga ihatag sa mga Israelinhon ingon nga ilang panulondon.

Deuteronomio 14:22

“Kinahanglang ilain ninyo ang ikapulo nga bahin sa tanang abot sa inyong uma matag tuig.

Deuteronomio 26:12

“Sa matag ikatulo ka tuig, ihatag ninyo ang ikapulo sa inyong mga abot ngadto sa mga Levita, sa mga langyaw nga nagpuyo uban kaninyo, sa mga ilo, ug sa mga biyuda, aron aduna silay abunda nga pagkaon.