Genesis 47:18 - Ang Pulong sa Dios

¹⁸ Pagkahuman sa usa ka tuig, miadto na usab ang mga tawo kang Jose ug miingon, “Dili malimod kanimo nga wala na kamiy kuwarta ug ang among kahayopan anaa na kanimo. Wala na gayoy nahibilin kanamo, gawas sa among kaugalingon ug sa among mga yuta.

Ang Biblia 2011

¹⁸ Ug sa natapos na ang tuig, miadto sila kaniya sa ikaduha nga tuig ug miingon sila kaniya, “Dili kami magtago sa among agalon nga ang among salapi nahurot na ug ang mga panon sa kahayopan iya na sa among agalon, wala nay nahibilin sa atubangan sa among agalon kondili ang among mga lawas ug ang among mga yuta na lamang.

Maayong Balita Biblia

¹⁸ Sa pagkasunod tuig, miadto na usab sila kang Jose ug miingon, “Sir, dili namo ilimod kanimo nga nahutdan na gayod kamig salapi ug ang among kahayopan anaa na kanimo. Wala na gayod kami ikahatag kanimo, sir, gawas sa among lawas ug mga yuta.

Ang Bag-ong Maayong Balita Biblia

¹⁸ Sa pagkasunod tuig, miadto na usab sila kang Jose ug miingon, “Sir, dili namo ilimod kanimo nga nahutdan na gayod kamig salapi ug ang among kahayopan anaa na kanimo. Wala na gayod kami ikahatag kanimo, sir, gawas sa among lawas ug mga yuta.

Genesis 47:18 Cross References

Genesis 47:17

Busa gidala nila kang Jose ang ilang mga kabayo, karnero, baka, ug asno, ug gibayloan kini ug pagkaon. Nianang tibuok tuig, gihatagan sila ni Jose ug pagkaon baylo sa ilang kahayopan.

Genesis 47:19

Pasagdan mo lang ba kami nga mamatay ug mapasagdan ang among mga yuta? Palita kami ug ang among yuta. Mosugot kami nga mahimong ulipon sa hari ug maiya na ang among kayutaan aron lang makakaon kami. Hatagi kami ug mga binhi nga among ikatanom aron dili kami mamatay ug aron dili namo mapasagdan ang among kayutaan.”

2 Mga Hari 6:26

Usa ka higayon niana, samtang naglakaw ang hari sa Israel ibabaw sa paril, adunay usa ka babaye nga misinggit kaniya, “Tabangi ako, Mahal nga Hari!”

Jeremias 38:9

“Mahal nga Hari, daotan gayod kaayo ang gibuhat niining mga tawhana kang Jeremias. Gibutang nila siya sa bangag nga pundohanan ug tubig. Mamatay gayod siya didto sa kagutom kon mahurot na ang pagkaon sa siyudad.”