Genesis 45:1 - Ang Pulong sa Dios

¹ Wala na gayod mapugngi ni Jose ang iyang gibati, busa gipagawas niya ang iyang mga sulugoon. Ug sa dihang sila na lang sa iyang mga igsoon ang nahibilin, nagpaila siya.

Ang Biblia 2011

¹ Unya si Jose wala na makapugong sa iyang kaugalingon sa atubangan sa tanan nga diha sa iyang duol ug siya misinggit, “Papahawaa ninyo ang tanan.” Ug didto wala nay bisan kinsa nga nahibilin sa dihang si Jose nagpaila sa iyang kaugalingon ngadto sa iyang mga igsoon.

Maayong Balita Biblia

¹ Wala na gayod kapugngi ni Jose ang iyang kaugalingon sa atubangan sa tanan nga nag-alagad kaniya busa miingon siya, “Pahawa kamong tanan.” Wala nay laing tawo nga uban kaniya sa dihang gitug-anan niya ang iyang mga igsoon kon kinsa siya.

Ang Bag-ong Maayong Balita Biblia

¹ Wala na gayod kapugngi ni Jose ang iyang kaugalingon sa atubangan sa tanan nga nag-alagad kaniya busa miingon siya, “Pahawa kamong tanan.” Wala nay laing tawo nga uban kaniya sa dihang gitug-anan niya ang iyang mga igsoon kon kinsa siya.

Genesis 45:1 Cross References

Genesis 42:24

Mibiya si Jose kanila ug mihilak. Unya mibalik siya ug nakigsulti kanila. Pagkahuman, gikuha niya si Simeon gikan kanila ug gipagapos diha sa ilang atubangan.

Genesis 44:34

Dili ako mopauli kon dili ko kauban ang among kamanghoran. Dili ako makaako sa pagsud-ong sa daotan unya nga mahitabo sa among amahan tungod niini.”

2 Samuel 1:20

Ayaw kini ipanugilon sa Gat, o sa mga dalan sa Ashkelon, kay tingalig maghudyaka ang mga babayeng Filistihanon nga wala nakaila sa Dios.

2 Samuel 13:9

Pagkaluto, gikuha niya kini aron ipakaon kang Amnon, apan midumili pagkaon si Amnon. Miingon si Amnon, “Pagawasa ang tanang mga tawo dinhi!” Busa migawas ang mga tawo.

Isaias 42:14

Moingon siya, “Sa taas nga panahon naghilom lang ako ug gipugngan ko ang akong kaugalingon. Apan karon mosinggit ako sama sa usa ka babayeng gapanganak.

Jeremias 20:9

Usahay makaingon ako nga dili na gayod ako maghisgot bahin kanimo o mosugilon sa imong mensahe. Apan ang imong pulong daw sa kalayo nga modilaab sa akong kasing-kasing ug mga kabukogan. Gikapoy na akog pinugong niini. Dili ko na gayod kini mapugngan.

Zacarias 12:10

“Hatagan ko ang mga kaliwat ni David ug ang mga lumulupyo sa Jerusalem sa espiritu nga maluloy-on ug mainampoon. Tan-awon nila siya, nga ilang gipatay, ug manghilak sila sama sa ginikanan nga gahilak sa pagkamatay sa ilang bugtong anak o kamagulangang anak.

Mateo 18:15

“Kon ang imong isigka-tumutuo nakasala kanimo, adtoi siya ug sultihi. Apan kini buhaton mo nga kamo-kamo ra. Kon maminaw siya kanimo, magkasinabtanay kamo pag-usab, ug mapabalik mo siya sa Dios.

Mga Buhat 10:41

Wala siya gipakita ngadto sa tanan kondili kanamo lamang nga mga pinili sa Dios isip mga tigpamatuod mahitungod kaniya. Nakig-uban pa gani kami kaniya sa pagpangaon ug pag-inom human siya nabanhaw.

Mga Buhat 7:13

Sa ikaduha na nilang pag-adto didto, nagpaila kanila si Jose nga siya ilang igsoon, ug gisulti usab niya sa Paraon ang mahitungod sa iyang pamilya.

1 Mga Taga-Corinto 13:5

dili bastos, dili hakog, dili ulitan, dili madinumtanon,