Genesis 43:9 - Ang Pulong sa Dios

⁹ Igarantiya ko ang akong kinabuhi alang kang Benjamin. Ako ang manubag kon unsa unya ang mahitabo kaniya. Kon dili ko siya madala pagbalik kanimo nga buhi, akoy basola sa tibuok kong kinabuhi.

Ang Biblia 2011

⁹ Ako maoy magpasalig alang kaniya, sa akong kamot ikaw maningil kaniya nga kon dili nako siya ikauli kanimo ug ikabutang sa imong atubangan, sad-an ako batok kanimo hangtod sa kahangtoran.

Maayong Balita Biblia

⁹ Igarantiya ko ang akong kinabuhi alang kang Benjamin. Akoy responsable kaniya. Kon dili ko siya madala pagbalik nganhi kanimo, akoy han-oki sa tanang pagbasol sa tibuok kong kinabuhi.

Ang Bag-ong Maayong Balita Biblia

⁹ Igarantiya ko ang akong kinabuhi alang kang Benjamin. Akoy responsable kaniya. Kon dili ko siya madala pagbalik nganhi kanimo, akoy han-oki sa tanang pagbasol sa tibuok kong kinabuhi.

Genesis 43:9 Cross References

Genesis 31:39

Wala ko na dad-a kanimo ang mga hayop nga gipatay sa ihalas nga mga mananap; giilisan ko kini dayon. Gipabayran mo usab kanako ang mga hayop nga gikawat panahon man sa adlaw o sa gabii.

Genesis 42:37

Miingon si Ruben sa iyang amahan, “Isalig kanako si Benjamin. Patya ang duha ko ka anak nga lalaki kon dili ko siya madala pagbalik kanimo.”

Genesis 43:10

Kon wala pa unta kita maglangay-langay, kaduha na unta tingali kami makabalik didto.”

Genesis 9:5

“Paninglan ko gayod si bisan kinsa nga mopatay kaninyo, tawo man o mananap. Paninglan ko si bisan kinsa nga mopatay sa iyang isigka-tawo.

2 Samuel 14:9

Miingon ang babaye, “Mahal nga Hari, kon adunay moreklamo sa pagtabang mo kanako, ako ug ang akong pamilya ang manubag ug dili ikaw.”

1 Mga Hari 1:21

Kon dili ka mohatag sa imong hukom, ako ug ang akong anak nga si Solomon isipon na unya nga mga traydor kon patay ka na.”

Job 17:3

“Labani ako, O Dios, kay wala nay laing mobarog sa pagtabang kanako kondili ikaw lang.

Salmo 119:122

Pasaligi ako nga tabangan mo ako nga imong alagad; ayaw itugot nga daog-daogon ako sa mga mapahitas-on.

Ezequiel 3:18

Kon moingon ako sa usa ka tawo nga daotan nga mamatay gayod siya, apan wala mo siya pasidan-i nga mobiya sa iyang daotan nga binuhatan aron maluwas ang iyang kinabuhi, mamatay ang maong daotan nga tawo tungod sa iyang sala, ug paninglan ka nako sa iyang kamatayon.

Ezequiel 3:20

Kon ang matarong nga tawo magpakasala, ug pasagdan ko lang siya sa maong kahimtang, mamatay siya. Kon wala mo siya pasidan-i, mamatay siya tungod sa iyang sala, ug dili ko hinumdoman ang mga maayo niya nga binuhatan. Apan paninglan ka nako sa iyang kamatayon.

Ezequiel 33:6

Apan kon makita sa magbalantay nga nagpadulong ang mga kaaway apan wala niya patingoga ang budyong aron sa pagpasidaan sa mga tawo, ug unya gisulong sila ug adunay mamatay kanila, paninglon ko ang magbalantay sa ilang kamatayon bisan namatay sila tungod sa ilang sala.”

Ezequiel 33:8

Kon moingon ako sa daotan nga tawo nga sigurado gayod nga mamatay siya tungod sa iyang sala, unya wala mo siya pahimangnoi sa pagbiya sa iyang daotan nga binuhatan, ikaw ang akong paninglan sa iyang kamatayon.

Lucas 11:50

Busa kamong mga tawo niining panahona pagasilotan usab sa Dios tungod sa ilang pagpatay sa mga propeta niadtong unang panahon, gikan pa sa pagbuhat sa kalibotan,

Mga Hebreo 7:22

Busa si Jesus ang kasigurohan sa mas maayo nga kasabotan sa Dios ngadto sa iyang katawhan.