Genesis 41:51 - Ang Pulong sa Dios

⁵¹ Ginganlan ni Jose ang kamagulangan ug Manases kay miingon siya, “Tungod sa tabang sa Dios, nalimtan ko ang akong mga pag-antos ug ang kamingaw ko sa panimalay sa akong amahan.”

Ang Biblia 2011

⁵¹ Ug gitawag ni Jose ang ngalan sa iyang kamagulangan ug Manases kay matod niya, “Gipalimtan sa Dios kanako ang tanan kong kalisdanan ug ang tibuok nga panimalay sa akong amahan.”

Maayong Balita Biblia

⁵¹ Si Jose miingon, “Ang Dios maoy nagbuot nga ako malimot sa akong mga pag-antos ug sa tibuok panimalay sa akong amahan.” Busa ginganlan niyag Manases ang una niyang anak.

Ang Bag-ong Maayong Balita Biblia

⁵¹ Si Jose miingon, “Ang Dios maoy nagbuot nga ako malimot sa akong mga pag-antos ug sa tibuok panimalay sa akong amahan.” Busa ginganlan niyag Manases ang una niyang anak.

Genesis 41:51 Cross References

Genesis 41:30

Ug mosunod dayon ang pito ka tuig nga kagutom, ug malimtan sa mga tawo ang nasinati nila nga kaabunda sa Ehipto. Ang kagutom mohimo ug dakong kadaot sa yuta sa Ehipto.

Genesis 41:50

Sa wala pa moabot ang tinggutom, natawo ang duha ka anak ni Jose kang Asenat, nga anak ni Potifera nga pari sa On.

Genesis 41:52

Ginganlan niya ang ikaduha niyang anak ug Efraim kay miingon siya, “Tungod sa tabang sa Dios, gihatagan ako ug kaliwat sa dapit diin nahiagom ako sa mga kasakit.”

Genesis 48:1

Wala madugay adunay misulti kang Jose nga nagsakit ang iyang amahan nga si Jacob. Busa gidala niya ang iyang duha ka anak nga si Manases ug si Efraim ug miadto kaniya.

Genesis 48:5

“Ang duha mo ka anak nga si Efraim ug si Manases, nga natawo dinhi sa Ehipto sa wala pa ako moabot, ilhon ko nga akong mga anak, nga sama kanila ni Ruben ug Simeon.

Job 11:16

Unya malimtan mo na ang imong mga kasakit, nga daw sama lang kini sa tubig nga milabay.

Salmo 30:11

Gipulihan mo ug malipayong pagsayaw ang akong kasubo. Gipahubo mo kanako ang bisting sako nga nagpaila sa akong pagsubo, ug gihatagan mo akog kalipay.

Salmo 30:5

Kay ang iyang kasuko dili molungtad ug dugay, apan ang iyang kaayo magpadayon sa tibuok natong kinabuhi. Masubo tingali kita panahon sa kagabhion, apan malipay ra kita pag-abot sa kabuntagon.

Salmo 45:10

Pangasaw-onon sa hari, pamatia ang akong isulti: Kalimti ang imong mga katagilungsod ug mga paryente,

Isaias 57:16

Sa pagkatinuod, dili ako makigbatok o masuko hangtod sa hangtod, kay kon himuon ko kini, mangamatay ang mga tawo nga akong gihimo.

Isaias 65:16

Ug kini nga ngalan gamiton sa mga tawo sa yuta sa Israel kon mangayo silag panalangin gikan kanako o manumpa sila kanako, nga mao ang Dios nga kasaligan. Kay kalimtan ko na ang nangaging mga kalisod; wad-on ko na kini sa akong huna-huna.

Numeros 26:28

Ang mga kaliwat ni Jose naggikan sa duha niya ka anak nga si Manases ug Efraim.

Deuteronomio 33:17

Ang iyang kusog sama sa kusog sa kamagulangang torong baka. Ang iyang gahom sama sa gahom sa sungay sa ihalas nga baka. Pinaagi niini laglagon niya ang mga nasod bisan kadtong atua sa layo. Mao kini ang akong panalangin sa daghang mga katawhan sa Efraim ug Manases.”

Josue 17:1

Adunay gihatag usab nga kayutaan alang sa katunga sa tribo ni Manases nga kamagulangan nga anak ni Jose. Ang Gilead ug ang Basan sa sidlakan sa Suba sa Jordan gihatag na ngadto sa pamilya ni Makir tungod kay maayo siya nga sundalo. (Si Makir nga amahan ni Gilead, mao ang kamagulangan nga anak ni Manases.)

1 Samuel 1:20

Ug wala madugay nagmabdos siya, ug nanganak ug usa ka batang lalaki. Ginganlan niya kinig Samuel, kay miingon siya, “Pinangayo ko siya sa Ginoo.”