Genesis 41:44 - Ang Pulong sa Dios

⁴⁴ Unya miingon ang hari kang Jose, “Ako ang hari dinhi sa Ehipto, apan walay bisan kinsa nga makahimo ug bisan unsa dinhi sa Ehipto gawas kon adunay pagtugot gikan kanimo.”

Ang Biblia 2011

⁴⁴ Dugang pa ang Paraon miingon kang Jose, “Ako mao ang Paraon, walay tawo nga makaisa sa iyang kamot o sa iyang tiil sa tibuok nga yuta sa Ehipto kon walay pagtugot nimo.”

Maayong Balita Biblia

⁴⁴ Miingon si Paraon kaniya, “Ako ang hari! Maoy akong pagbuot nga walay tawo sa tibuok Ehipto nga makabuhat ug bisan unsa gawas kon may pagtugot gikan kanimo.”

Ang Bag-ong Maayong Balita Biblia

⁴⁴ Miingon si Paraon kaniya, “Ako ang hari! Maoy akong pagbuot nga walay tawo sa tibuok Ehipto nga makabuhat ug bisan unsa gawas kon may pagtugot gikan kanimo.”

Genesis 41:44 Cross References

Genesis 41:43

Gipasakay niya si Jose sa iyang ikaduhang karwahi, ug adunay mga tigpahibalo nga gauna kaniya ug nagsinggit, “Yukbo-i ninyo ang gobernador!” Busa sukad niadto nahimong gobernador si Jose sa tibuok Ehipto.

Ester 10:3

Ang Judio nga si Mordecai nahimong ikaduha sa ranggo kang Haring Ahasuerus. Inila gayod siya sa iyang isigka-Judio, ug tinahod nila siya kay naghago siya alang sa ilang kaayohan, ug mibarog alang sa ilang kasigurohan.

Salmo 105:22

Isip tigdumala, aduna siyay katungod sa pagbadlong sa mga opisyal sa hari, ug sa pagtudlo sa mga magtatambag niini.

Exodo 11:7

Apan sa nahimutangan sa mga Israelinhon adunay kalinaw; bisan usig sa iro walay madunggan.’ Niining paagiha mahibaloan ninyo nga lahi ang pagtagad sa Ginoo sa mga Israelinhon kay sa mga Ehiptohanon.