Genesis 41:30 - Ang Pulong sa Dios

³⁰ Ug mosunod dayon ang pito ka tuig nga kagutom, ug malimtan sa mga tawo ang nasinati nila nga kaabunda sa Ehipto. Ang kagutom mohimo ug dakong kadaot sa yuta sa Ehipto.

Ang Biblia 2011

³⁰ Apan human niana moabot ang pito ka tuig nga gutom ug ang tanan nga kadagaya malimtan sa yuta sa Ehipto ug ang gutom mout-ot sa yuta.

Maayong Balita Biblia

³⁰ Unya mobanos ang pito usab ka tuig nga gutom ug tungod niini hikalimtan ang mga tuig nga abunda kaayo ang mga pagkaon sa tibuok Ehipto. Maalaot ang tibuok nasod tungod sa maong gutom.

Ang Bag-ong Maayong Balita Biblia

³⁰ Unya mobanos ang pito usab ka tuig nga gutom ug tungod niini hikalimtan ang mga tuig nga abunda kaayo ang mga pagkaon sa tibuok Ehipto. Maalaot ang tibuok nasod tungod sa maong gutom.

Genesis 41:30 Cross References

Genesis 41:21

Apan pagkahuman nila ug kaon, murag wala lang gihapon sila makakaon kay niwang man gihapon sila. Unya nakamata ako.

Genesis 41:27

Ang pito ka niwang ug daot nga mga baka ug ang pito ka niwang nga mga uhay nga nanguyos tungod sa kainit sa hangin gikan sa sidlakan nagkahulogan ug pito ka tuig nga kagutom.

Genesis 41:31

Tungod sa makalilisang nga kagutom nga moabot, walay makita nga timailhan sa milabay nga panahon sa kaabunda sa yuta sa Ehipto.

Genesis 41:51

Ginganlan ni Jose ang kamagulangan ug Manases kay miingon siya, “Tungod sa tabang sa Dios, nalimtan ko ang akong mga pag-antos ug ang kamingaw ko sa panimalay sa akong amahan.”

Genesis 41:54

ug nagsugod ang pito ka tuig nga kagutom sumala sa giingon ni Jose. Adunay kagutom sa uban nga mga dapit apan ang tibuok Ehipto adunay pagkaon.

Genesis 41:56

Mikuyanap ang kagutom sa tibuok kayutaan. Ug tungod sa labihan nga kagutom sa tibuok Ehipto, gipaablihan ni Jose ang tanang mga bodega ug gibaligyaan ug pagkaon ang mga taga-Ehipto.

Genesis 47:13

Unya, misamot pa gayod ang kagutom sa Ehipto ug sa Canaan, ug ang mga tawo wala nay pagkaon.

2 Samuel 24:13

Busa miadto si Gad kang David ug miingon kaniya, “Hain niining tulo ang inyong pilion? Tulo ka tuig nga gutom sa imong nasod, tulo ka bulan nga pagkalagiw gikan sa inyong mga kaaway, o tulo ka adlaw nga katalagman sa imong nasod? Huna-hunaa kana ug maayo, ug pahibaloa ako kon unsa ang itubag ko sa Ginoo nga nagpadala kanako.”

1 Mga Hari 17:1

Unya, adunay usa ka propeta nga ang ngalan mao si Elias. Nagpuyo siya sa Tishbe, nga sakop sa Gilead. Miingon siya kang Ahab, “Ipaniguro ko gayod kanimo, atubangan sa buhi nga Ginoo, nga Dios sa Israel nga akong ginaalagaran, nga walay yamog o ulan nga moabot sulod sa pila ka tuig gawas kon moingon ako nga moabot kini.”

2 Mga Hari 8:1

Usa ka higayon, giingnan ni Eliseo ang babaye kansang anak iyang gibuhi pag-usab, “Dad-a ang imong panimalay ug pamuyo kamo sa laing lugar, kay nag-ingon ang Ginoo nga adunay kagutom nga moabot sa Israel sulod sa pito ka tuig.”

Salmo 105:16

Sa dihang nagpadala ang Dios ug kagutom sa yuta sa Canaan, gihurot niyag kuha ang tanan nilang kuhaanan ug pagkaon.

Isaias 65:16

Ug kini nga ngalan gamiton sa mga tawo sa yuta sa Israel kon mangayo silag panalangin gikan kanako o manumpa sila kanako, nga mao ang Dios nga kasaligan. Kay kalimtan ko na ang nangaging mga kalisod; wad-on ko na kini sa akong huna-huna.

Lucas 4:25

Apan sa pagkatinuod, daghan ang mga biyuda sa tibuok Israel niadtong panahon ni Elias, sa mga panahon nga wala paulana sa Dios sulod sa tulo ka tuig ug tunga, ug dakong kagutom ang nasinati sa mga tawo.

Santiago 5:17

Si Elias nga propeta tawo usab nga sama kanato. Kinasing-kasing siyang nag-ampo nga dili moulan, ug wala moulan sulod sa tulo ka tuig ug tunga.