Genesis 38:9 - Ang Pulong sa Dios

⁹ Apan nasayod si Onan nga dili isipon nga iya ang mahimong anak nila ni Tamar, busa sa matag higayon nga magdulog sila ni Tamar, dili niya ipasulod ang iyang semilya aron dili siya makaanak alang sa iyang igsoon.

Ang Biblia 2011

⁹ Ug nahibalo si Onan nga ang kaliwat dili maiya busa mao kadto nga sa pagduol niya sa asawa sa iyang igsoon, iyang gipaawas ang iyang binhi ngadto sa yuta aron dili makahatag ug kaliwat sa iyang igsoon.

Maayong Balita Biblia

⁹ Apan nasayod si Onan nga ang batang matawo dili isipon nga iyaha. Busa sa dihang nakigdulog siya kang Tamar gipagawas niya ang iyang binhi aron dili siya makapaliwat alang sa iyang igsoon.

Ang Bag-ong Maayong Balita Biblia

⁹ Apan nasayod si Onan nga ang batang matawo dili isipon nga iyaha. Busa sa dihang nakigdulog siya kang Tamar gipagawas niya ang iyang binhi aron dili siya makapaliwat alang sa iyang igsoon.

Genesis 38:9 Cross References

Genesis 38:10

Daotan ang gibuhat ni Onan atubangan sa Ginoo, busa gipatay usab siya sa Ginoo.

Job 5:2

Ang kasuko ug kasina mopatay sa tawong buang-buang ug walay kaalam.

Mga Panultihon 27:4

Makuyaw ang tawo nga anaa sa kasuko, apan mas makuyaw ang tawo nga gaselos.

Deuteronomio 25:5

“Kon ang duha ka managsoong lalaki nag-ipon sa pagpuyo sa usa lang ka yuta, ug namatay ang usa kanila nga walay anak, ang iyang asawa dili makapamana ug lain gawas lang sa miyembro sa pamilya sa iyang bana. Ang igsoon sa iyang bana mao ang mangasawa kaniya. Katungdanan sa iyang bayaw ang pagpangasawa kaniya.

Deuteronomio 25:6

Ang kamagulangan nilang anak isipon nga anak sa namatay niyang igsoon aron dili mawala ang ngalan niini sa Israel.

Tito 3:3

Kay kaniadto, wala man kita masayod sa kamatuoran mahitungod sa Dios ug dili kita matinumanon. Gipahisalaag kita ug nahimong ulipon sa mga kailibgon ug tanang matang sa kahilayan. Naghari kanato ang daotan nga mga tinguha ug kasina. Gidumtan kita sa uban ug kita usab nagdumot kanila.

Santiago 3:14

Apan kon aduna kamoy kasina ug hinakog nga tinguha, ayaw kamo pagpasigarbo nga maalamon kamo, kay gipanghimakak lang ninyo ang kamatuoran.

Santiago 3:16

Kay kon asa gani ang kasina ug pagkahakog atua usab ang kaguliyang ug ang tanang matang sa kadaotan.

Santiago 4:5

Ayaw kamo paghuna-huna nga walay pulos ang giingon sa Kasulatan: “Uban sa pagpangabugho gipangandoy sa Dios ang espiritu nga gipapuyo niya kanato.”

Ruth 1:11

Apan miingon si Noemi, “Pauli kamo sa inyo, mga anak. Nganong mouban pa man kamo kanako? Naghuna-huna ba kamo nga maminyo pa ako pag-usab ug manganak ug mga lalaki nga mahimo ninyong banahon? Dili na kana mahitabo pa kay tigulang na ako. Apan ibutang ta kon makapamana ako karong gabhiona ug unya manganak pa,

Ruth 4:10

Ug dugang pa gayod, pangasaw-on ko si Ruth nga Moabihanon, nga balo ni Mahlon, aron nga kon aduna na kami anak magpabilin ang mga kabtangan ni Mahlon sa iyang pamilya. Ug dili mawala ang iyang kaliwat sa iyang mga katagilungsod. Saksi kamo karong adlawa!”