Genesis 38:14 - Ang Pulong sa Dios

¹⁴ Pagkadungog niadto ni Tamar, giilisan niya ang iyang gisul-ob nga bisti nga alang sa balo, ug gitabonan niya ug belo ang iyang nawong. Unya milingkod siya dapit sa pultahan sa lungsod sa Enaim, sa daplin sa dalan nga paingon sa Timnah. (Gihimo niya kini tungod kay nakita niya nga ulitawo na si Shela apan wala gihapon siya ipaasawa kaniya.)

Ang Biblia 2011

¹⁴ gihubo niya ang iyang mga bisti sa pagkabiyuda, ug nagtabon siya ug usa ka pandong ug iyang giputos ang iyang nawong. Unya milingkod siya didto sa pultahan sa Enaim nga diha sa dalan sa Timna kay nakita niya nga dako na si Sela, ug siya wala ikahatag kang Sela ingon nga asawa niya.

Maayong Balita Biblia

¹⁴ Busa giilisan niya ang gisul-ob niyang bisti nga alang sa balo ug nagtaptap siya sa iyang nawong ug milingkod didto sa ganghaan sa Enaim, usa ka lungsod diha sa dalan paingon sa Timna. Nahibalo siya nga ulitawo na si Shela apan wala siya ipaasawa kang Shela.

Ang Bag-ong Maayong Balita Biblia

¹⁴ Busa giilisan niya ang gisul-ob niyang bisti nga alang sa balo ug nagtaptap siya sa iyang nawong ug milingkod didto sa ganghaan sa Enaim, usa ka lungsod diha sa dalan paingon sa Timna. Nahibalo siya nga ulitawo na si Shela apan wala siya ipaasawa kang Shela.

Genesis 38:14 Cross References

Genesis 24:65

ug nangutana sa sulugoon ni Abraham, “Kinsa kanang tawong galakaw sa uma sa pagtagbo kanato?” Mitubag ang sulugoon, “Siya ang akong agalon nga si Isaac.” Busa gitabonan ni Rebeka ug belo ang iyang nawong.

Genesis 38:15

Sa pagkakita ni Juda kang Tamar sa daplin sa dalan, gipakaingon niya ug usa kini ka babayeng nagbaligya sa iyang dungog, kay aduna may tabon ang nawong niini. Busa miduol siya kang Tamar (nga wala niya mailhi nga iya diayng umagad) ug miingon, “Dali, magdulog kita.” Mitubag si Tamar, “Unsa may imong ibayad kanako sa pagpakigdulog ko kanimo?”

Genesis 38:26

Nailhan ni Juda nga iya kadtong mga butang busa miingon siya, “Wala siyay sala. Ako ang nakasala kay wala ko siya ipaasawa sa akong anak nga si Shela.” Ug wala na mousab ug pakigdulog si Juda kang Tamar.

Mga Panultihon 7:10

Unya gisugat siya sa usa ka babaye nga nagsul-ob ug bisti sa babayeng nagbaligyag dungog, nga aduna nay planong daan sa unsay iyang himuon sa maong lalaki.

Mga Panultihon 7:12

Anaa siya kanunay sa dalan o sa mga eskinita, ug usahay sa mga plasa.

Jeremias 3:2

Tan-awa ang taas nga mga dapit. Aduna pa ba didtoy dapit diin wala ninyo mahugawi? Gihugawan ninyo ang yuta tungod sa inyong pagsimba sa mga dios-dios ug sa inyong pagkadaotan. Sama kamo sa usa ka babayeng nagbaligya sa iyang dungog, nga naglingkod daplin sa dalan aron sa paghulat ug lalaki. Sama usab kamo sa tulisan nga nag-atang sa iyang mabiktima.

Ezequiel 16:25

ug sa matag kanto sa kadalanan. Ug didto gihugaw-hugawan mo ang imo nga katahom, ug gihanyag mo ang imo nga kaugalingon sa kang bisan kinsang lalaki nga molabay. Nagkagrabe pa gayod ang imo nga pagpamiga.