Genesis 34:5 - Ang Pulong sa Dios

⁵ Pagkahibalo ni Jacob nga gipanamastamasan ni Sekem ang pagkababaye ni Dina, wala una siyay gihimo kay didto pa man sa uma ang iyang mga anak nga lalaki nga nagbantay sa iyang kahayopan.

Ang Biblia 2011

⁵ Unya nakadungog si Jacob nga si Dina nga iyang anak gipanamastamasan ni Sekem, apan ang iyang mga anak nga lalaki didto sa iyang kahayopan sa kapatagan, busa si Jacob nagpakahilom lamang hangtod nga sila nangabot.

Maayong Balita Biblia

⁵ Nakabalita si Jacob nga gilugos ang iyang anak apan kay ang iyang mga lalaking anak didto pa man sa kaumahan uban sa iyang mga kahayopan, wala siyay gihimo ug gihulat niya nga mahiuli sila.

Ang Bag-ong Maayong Balita Biblia

⁵ Nakabalita si Jacob nga gilugos ang iyang anak apan kay ang iyang mga lalaking anak didto pa man sa kaumahan uban sa iyang mga kahayopan, wala siyay gihimo ug gihulat niya nga mahiuli sila.

Genesis 34:5 Cross References

Genesis 30:35

Apan niadtong adlawa, gilain ni Laban ang kabang nga mga kanding nga lalaki ug babaye, apil ang mga karnero nga itom. Gipaatiman niya kini sa iyang mga anak nga lalaki.

Genesis 34:4

Unya, miingon si Sekem sa iyang amahan nga si Hamor, “Pangitai ug paagi nga maasawa ko kanang dalagaha.”

Genesis 34:6

Miadto si Hamor ug ang iyang anak nga si Sekem kang Jacob aron makigsulti kaniya.

Genesis 46:34

ingna siya nga sama sa inyong mga ginikanan, magbalantay usab kamo sa kahayopan sukad pa niadtong gagmay pa kamo, aron sa ingon papuy-on niya kamo sa Goshen. Kay ubos ang pagtan-aw sa mga taga-Ehipto sa mga magbalantay ug kahayopan.”

2 Samuel 13:22

Ug bisan walay gisulti si Absalom kang Amnon mahitungod sa iyang gibuhat, gikapungtan niya siya tungod sa pagpakaulaw niini kang Tamar nga iyang igsoon.

Salmo 39:9

Magpakahilom na lang ako; dili ako moreklamo kay imo kining pagbuot.

Levitico 10:3

Unya miingon si Moises kang Aaron, “Mao kini ang buot ipasabot sa Ginoo sa dihang miingon siya: “ ‘Kinahanglan ilhon sa mga pari ang akong pagkabalaan, ug kinahanglan pasidunggan ako sa tanang katawhan.’ ” Wala makatubag si Aaron.

Lucas 15:25

“Nahitabo kini samtang atua pa sa uma ang magulang nga anak. Sa iyang pagpauli, ug sa dihang nagkaduol na siya sa ilang balay, nadungog niya ang sonata ug panagsayaw.

Lucas 15:29

Apan mitubag siya sa iyang amahan, ‘Hinumdomi ra gud kon pila na ka tuig ang akong pag-alagad kanimo. Wala gayod ako mosupak kanimo. Apan bisan kanding na lang wala mo gayod ako hatagi aron ako maglipay uban sa akong mga amigo.

1 Samuel 10:27

Kay adunay mga daotang tawo nga nagbugal-bugal kang Saulo. Miingon sila, “Unsaon niining tawhana pagluwas kanato?” Ug wala sila mohatag ug mga gasa kang Saulo. Apan nagpakahilom lang si Saulo.

1 Samuel 16:11

Unya nangutana si Samuel kang Jesse, “Sila lang ba ang imong mga anak?” Mitubag si Jesse, “Anaa pa ang kamanghoran, apan nagbantay siya sa mga karnero.” Miingon si Samuel, “Paanhia siya dinhi, kay dili kita mopadayon hangtod dili siya moabot.”

1 Samuel 17:15

si David mag-uli-uli sa Betlehem gikan sa kampo ni Saulo aron sa pag-atiman sa mga karnero sa iyang amahan.