Genesis 32:25 - Ang Pulong sa Dios

²⁵ Sa dihang nakita sa tawo nga dili niya mapildi si Jacob, gilubag niya ang bat-ang ni Jacob ug nalisa kini.

Ang Biblia 2011

²⁵ Ug sa pagkakita sa tawo nga siya dili makabuntog kang Jacob, gisumbag niya ang tampihak sa iyang bat-ang ug nalisa ang bat-ang ni Jacob samtang siya nakiglayog pa kaniya.

Maayong Balita Biblia

²⁵ Sa pagkamatikod sa tawo nga dili siya makadaog sa ilang panagdumog, giigo niya ang dapidapi ni Jacob ug naligas ang lutahan niini.

Ang Bag-ong Maayong Balita Biblia

²⁵ Sa pagkamatikod sa tawo nga dili siya makadaog sa ilang panagdumog, giigo niya ang dapidapi ni Jacob ug naligas ang lutahan niini.

Genesis 32:25 Cross References

Genesis 19:22

Sige, panagan na kamo didto, kay dili ko mahimo ang angay kong buhaton hangtod nga dili pa kamo makaabot didto.” (Gitawag ang maong lungsod nga Zoar.)

Genesis 32:24

Sa dihang nag-inusara na siya, adunay usa ka lalaki nga nakiglayog kaniya. Naglayog sila hangtod sa buntag.

Genesis 32:26

Unya miingon ang tawo, “Buhii na ako kay buntag na.” Apan mitubag si Jacob, “Dili ka nako buhian kon dili mo ako panalanginan.”

Genesis 32:32

Mao kini ang hinungdan kon nganong hangtod karon ang mga Israelinhon dili mokaon sa labit-labit nga anaa sa bat-ang sa hayop. Kay dinha nianang bahina sa lawas piangi sa Dios si Jacob.

Isaias 41:14

Bisan ug gamay ka lang ug luya, ayaw kahadlok kay ako mismo ang motabang kanimo. Ako, ang  Ginoo, ang nag-ingon niini. Ako ang imong Manluluwas, ang balaan nga Dios sa Israel.

Isaias 45:11

Mao kini ang giingon sa Ginoo, ang Balaang Dios sa Israel ug ang iyang Magbubuhat, “Nagreklamo ba kamo sa akong gihimo? But-an ba ninyo ako sa angay nakong buhaton?

Mateo 26:41

Pagtukaw kamo ug pag-ampo nga dili kamo madaog sa pagsulay. Buot sa inyong espiritu apan luya ang inyong lawas.”

Mateo 26:44

Gibiyaan sila pag-usab ni Jesus, milakaw siya sa unahan ug nag-ampo. Ikatulo na niya kini nga pag-ampo ug mao gihapon ang iyang giampo.