Genesis 3:20 - Ang Pulong sa Dios

²⁰ Ginganlan sa lalaki ang iyang asawa ug “Eba” tungod kay siya ang mahimong inahan sa tanang mga tawo.

Ang Biblia 2011

²⁰ Ug ginganlan sa tawo ug Eva ang iyang asawa tungod kay siya mao ang inahan sa tanan nga buhi.

Maayong Balita Biblia

²⁰ Ginganlan sa lalaki ang iyang asawa ug Eva kay siya man ang inahan sa tanang mga tawo.

Ang Bag-ong Maayong Balita Biblia

²⁰ Ginganlan sa lalaki ang iyang asawa ug Eva kay siya man ang inahan sa tanang mga tawo.

Genesis 3:20 Cross References

Genesis 16:11

Ug miingon pag-usab ang anghel sa Ginoo: “Mabdos ka ug sa dili madugay manganak ka ug usa ka batang lalaki. Nganli siya ug Ishmael, kay gidungog sa Ginoo ang imong pagpakitabang tungod sa imong pag-antos.

Genesis 2:20

Busa ginganlan sa tawo ang tanang mananap nga nagpuyo sa yuta apil ang mga mananap nga galupad. Apan walay usa niining mga mananap nga angay mahimong kaabag ni Adan.

Genesis 2:23

Unya miingon ang lalaki, “Ania na gayod! Bukog nga gikuha sa akong bukog, ug unod nga gikuha sa akong unod. Tawgon siya nga babaye, kay gikuha siya gikan sa lalaki.”

Genesis 3:21

Unya gihimoan sa Ginoong Dios ug bisti nga gikan sa panit sa mananap alang kang Adan ug sa iyang asawa.

Genesis 35:18

Natawo ang bata apan himalatyon na si Raquel, ug una siya mabugtoi sa gininhawa, ginganlan niya ang bata ug Ben Oni. Apan ginganlan ni Jacob ang bata ug Benjamin.

Genesis 5:29

Miingon siya, “Kining bataa makatabang kanato gikan sa atong labihan nga kahago tungod sa pagtunglo sa Ginoo sa yuta, busa nganlan ko siya ug Noe.”

Exodo 2:10

Sa dihang nalutas na ang bata, gidala kini sa iyang inahan ngadto sa prinsesa, ug giisip kini sa prinsesa nga iyang anak. Ginganlan sa prinsesa ang bata ug Moises, kay miingon siya, “Gikuha ko siya gikan sa tubig.”

Mateo 1:21

Manganak siyag lalaki ug nganlan mo siyag Jesus, kay luwason niya ang iyang katawhan gikan sa ilang mga sala.”

Mateo 1:23

“Magmabdos ang usa ka dalagang putli, ug manganak siyag usa ka bata nga lalaki. Ug ang maong bata pagatawgon nga Emmanuel” (nga ang buot ipasabot, “Ang Dios uban kanato”).

Mga Buhat 17:26

Gikan sa usa lang ka tawo, gihimo sa Dios ang nagkalain-laing matang sa tawo ug gipapuyo niya sa tanan nga bahin sa kalibotan. Sukad pa sa sinugdan giplano nang daan sa Dios kon asa magpuyo ang mga tawo lakip ang panahon nga sila magkinabuhi dinhi.

2 Mga Taga-Corinto 11:3

Apan nahadlok ako nga basin kon malimbongan kamo ni Satanas nga nakigsulti kang Eba pinaagi sa bitin, ug mawala ang inyong matinud-anon nga tinguha sa pagsunod kang Cristo.

1 Timoteo 2:13

Kay una nga gibuhat sa Dios si Adan ug sunod lang si Eba.

1 Samuel 1:20

Ug wala madugay nagmabdos siya, ug nanganak ug usa ka batang lalaki. Ginganlan niya kinig Samuel, kay miingon siya, “Pinangayo ko siya sa Ginoo.”