Genesis 3:19 - Ang Pulong sa Dios

¹⁹ Kinahanglan nga maghago ka ug maayo sa dugay nga panahon una ka makakaon, hangtod nga mobalik ka sa yuta nga mao ang imong gigikanan. Kay sa abog ka gikan, sa abog ka usab mobalik.”

Ang Biblia 2011

¹⁹ Pinaagi sa singot sa imong nawong makakaon ikaw sa pan hangtod nga mobalik ikaw sa yuta tungod kay ikaw gikuha gikan niini; ikaw abog ug sa abog ikaw mobalik.”

Maayong Balita Biblia

¹⁹ Magpatulo ka sa imong singot ug maghago pag-ayo una pa mohatag kanimog abot ang yuta hangtod mobalik ka sa yuta nga imong gigikanan. Hinimo ka gikan sa yuta ug sa yuta ka mopauli.”

Ang Bag-ong Maayong Balita Biblia

¹⁹ Magpatulo ka sa imong singot ug maghago pag-ayo una pa mohatag kanimog abot ang yuta hangtod mobalik ka sa yuta nga imong gigikanan. Hinimo ka gikan sa yuta ug sa yuta ka mopauli.”

Genesis 3:19 Cross References

Genesis 18:27

Miingon pag-usab si Abraham, “O Ginoo, pasayloa ako nga mangahas sa pagpakigsulti kanimo. Tawo lang ako, ug wala akoy katungod sa pagsulti niini kanimo.

Genesis 2:7

Unya gibuhat sa Ginoong Dios ang tawo gikan sa yuta. Gihuypan niya ang ilong sa tawo sa gininhawa nga naghatag ug kinabuhi, ug ang tawo nahimo nga buhing binuhat.

Genesis 23:4

“Nagpuyo ako dinhi sa inyong dapit ingon nga usa ka dumuduong, busa tugoti ninyo ako nga makaangkon ug yuta nga kalubngan ko sa akong asawa.”

Genesis 3:18

Moturok sa yuta ang mga sagbot ug mga sampinit, ug mokaon ka ug mga tanom gikan sa kaumahan.

Genesis 5:5

Namatay siya sa edad nga 930.

Job 1:21

Miingon siya, “Natawo ako nga walay dala ug mamatay usab ako nga walay dala. Ang Ginoo ang naghatag sa tanan nga anaa kanako, ug siya usab ang nagbawi. Dayegon ang ngalan sa Ginoo!”

Job 10:9

Hinumdomi nga gihulma mo ako gikan sa yuta, unya karon ibalik mo na ako sa yuta?

Job 19:26

Human madunot ang akong panit ug mobiya na ako sa akong lawas, makita ko ang Dios.

Job 21:26

Apan managsama silang ilubong sa yuta ug kaonon sa mga ulod.

Job 34:15

mangamatay ang tanang mga tawo ug mobalik ngadto sa yuta.

Job 4:19

unsa pa kaha ang mga tawo nga hinimo lang gikan sa yuta, ug sama ra kasayon dugmokon sama sa insekto!

Salmo 103:14

Kay nasayod siya kon giunsa niya kita paghimo. Gihinumdoman niya nga gihimo kita gikan sa abog.

Salmo 104:23

Ang mga tawo manggawas sa ilang mga balay sa pagtrabaho hangtod sa pagsalop sa adlaw.

Salmo 104:29

Apan kon pasagdan mo sila, mangahadlok sila; kon kuhaon mo ang ilang gininhawa, mangamatay sila ug mobalik sa yuta nga maoy ilang gigikanan.

Salmo 127:2

Walay kapuslanan ang pagmata ug sayo ug pagbilar sa gabii sa paghago aron adunay pagkaon, kay ang  Ginoo mohatag sa mga kinahanglanon sa iyang mga hinigugma, samtang natulog sila.

Salmo 22:15

Nawad-an na akog kusog; sama ako sa mibagtik nga yuta. Ug ang akong dila miungot sa akong alingagngag. Ginoo, gipasagdan mo ako nga hapit nang mamatay.

Salmo 22:29

Mosimba gayod kanimo ang tanang mga adunahan sa kalibotan. Apil ang tanang mga tawo nga hapit nang mamatay moyukbo kanimo. Ug bisan kadtong nangamatay na,

Salmo 90:3

Ikaw ang nagbuot sa kamatayon sa tawo; ibalik mo siya sa yuta nga mao ang iyang gigikanan.

Mga Panultihon 21:16

Kamatayon ang dangatan sa tawong dili gustog kaalam.

Ecclesiastes 1:13

Sa akong kaalam, gitun-an ko gayod pag-ayo ang tanang nahitabo dinhi sa kalibotan. Usa kini ka pait nga kapalaran nga gihatag sa Dios ngadto sa mga tawo.

Ecclesiastes 1:3

Unsay makuha sa tawo sa iyang paghago dinhi sa kalibotan?

Ecclesiastes 12:7

Unya mobalik ang imong lawas sa yuta nga gigikanan niini, ug ang imong espiritu mobalik sa Dios nga mao ang naghatag niini.

Ecclesiastes 3:20

Managsama ang padulngan sa tanang buhing binuhat. Silang tanan gikan sa yuta, ug sa yuta usab sila mobalik.

Ecclesiastes 5:15

Natawo kita nga walay dala, ug mamatay usab kita nga walay dala. Wala gayod kitay madala sa atong hinagoan.

Daniel 12:2

Banhawon ang kadaghanan sa mga nangamatay. Ang uban kanila makadawat sa kinabuhing walay kataposan, apan ang uban makaangkon sa pagpanghimaraot ug kaulawan nga walay kataposan.

1 Mga Taga-Corinto 15:47

Ang unang tawo nga si Adan yutan-on. Gibuhat siya gikan sa yuta. Apan ang ikaduhang tawo nga mao si Cristo gikan sa langit.

Mga Taga-Efeso 4:28

Ang kawatan kinahanglan dili na mangawat, kondili manginabuhi siya sa maayo nga pamaagi, aron makahatag usab siya sa mga kabos.

1 Mga Taga-Tesalonica 2:9

Makahinumdom usab kamo mga igsoon nga labihan gayod ang among paghago sa diha pa kami uban kaninyo. Kay sa dihang nagsangyaw kami kaninyo sa Maayong Balita sa Dios, adlaw ug gabii kaming nagtrabaho aron dili kamo mabug-atan sa pag-atiman kanamo.

2 Mga Taga-Tesalonica 3:10

Sa diha pa kami uban kaninyo, nag-ingon kami nga si bisan kinsa nga dili motrabaho, dili pakan-on.

Mga Hebreo 9:27

Ang tawo kausa lang gayod mamatay, ug pagkahuman hukman siya sa Dios.