Genesis 29:4 - Ang Pulong sa Dios

⁴ Unya, nangutana si Jacob sa mga magbalantay sa karnero, “Mga higala, taga-asa kamo?” Mitubag sila, “Taga-Haran.”

Ang Biblia 2011

⁴ Ug si Jacob miingon kanila, “Mga igsoon ko, taga-diin ba kamo?” Ug miingon sila, “Taga-Haran kami.”

Maayong Balita Biblia

⁴ Gipangutana ni Jacob ang mga magbalantay sa karnero kon taga diin sila ug mitubag sila, “Taga-Haran kami.”

Ang Bag-ong Maayong Balita Biblia

⁴ Gipangutana ni Jacob ang mga magbalantay sa karnero kon taga diin sila ug mitubag sila, “Taga-Haran kami.”

Genesis 29:4 Cross References

Genesis 11:31

Mibiya si Tera sa Ur nga sakop sa pagdumala sa mga Kaldeanhon. Kauban niya ang iyang anak nga si Abram, ang iyang umagad nga si Sarai, ug ang iyang apo nga si Lot nga anak ni Haran. Paingon unta sila sa Canaan, apan pag-abot nila sa Haran namuyo na sila didto.

Genesis 24:10

Pagkahuman, mikuha ang sulugoon ug napulo ka kamelyo ug mga mahalong butang nga iyang dad-on ingon nga gasa gikan sa iyang agalon nga si Abraham. Unya miadto siya sa Aram Naharaim, ang lungsod nga gipuy-an ni Nahor.

Genesis 27:43

Busa pamati sa akong isulti: Lakaw, ikyas ngadto sa Haran, didto sa akong igsoon nga si Laban.

Genesis 28:10

Mibiya si Jacob sa Beersheba ug milakaw paingon sa Haran.

Genesis 29:3

Hulaton una sa mga magbalantay sa karnero nga matigom ang tanang mga karnero ayha nila ligiron ang gitabon nga bato. Pagkahuman nila ug painom sa mga karnero, ibalik na usab nila pagtabon ang bato.

Mga Buhat 7:2

Miingon si Esteban, “Mga kaigsoonan ug mga ginikanan, paminawa ninyo ako. Niadtong unang panahon ang Dios nga makagagahom nagpakita sa atong amahan nga si Abraham sa dihang didto pa siya sa Mesopotamia sa wala pa siya mobalhin pagpuyo didto sa Haran.

Mga Buhat 7:4

“Busa mibiya si Abraham sa nasod sa Caldea ug mipuyo didto sa Haran. Sa pagkamatay sa iyang amahan gipaanhi siya sa Dios dinhi niining dapita nga ato karong gipuy-an.