Genesis 27:40 - Ang Pulong sa Dios

⁴⁰ Mabuhi ka pinaagi sa imong espada, ug moalagad ka sa imong manghod. Apan kon mosukol ka kaniya, makalingkawas ka sa iyang gahom.”

Ang Biblia 2011

⁴⁰ Ug pinaagi sa imong espada ikaw mabuhi, ug sa imong igsoon mag-alagad ikaw. Apan sa dihang ikaw makalingkawas, balion nimo ang iyang yugo gikan sa imong liog.”

Maayong Balita Biblia

⁴⁰ Mabuhi ka pinaagi sa imong espada ug maulipon ka sa imong igsoon. Apan inigsukol nimo, makalingkawas ka sa iyang gahom.”

Ang Bag-ong Maayong Balita Biblia

⁴⁰ Mabuhi ka pinaagi sa imong espada ug maulipon ka sa imong igsoon. Apan inigsukol nimo, makalingkawas ka sa iyang gahom.”

Genesis 27:40 Cross References

Genesis 25:23

Miingon ang Ginoo kaniya, “Duha ka nasod ang maggikan sa duha ka bata nga anaa sa imong sabakan; duha ka pundok sa mga katawhan nga magkontrahanay. Ang usa mahimong gamhanan kay sa usa. Ang magulang moalagad sa manghod.”

Genesis 27:29

Hinaut nga moyukbo ug moalagad kanimo ang daghang mga katawhan. Hinaut nga magmando ka sa imong mga kaparyentehan ug magpasakop sila kanimo. Tunglohon ang gatunglo kanimo, ug ang nagpanalangin kanimo panalanginan usab.”

Genesis 32:6

Pagbalik sa mga tawo nga gisugo ni Jacob, miingon sila, “Didto kami sa imong igsoon nga si Esau, ug nagpadulong na siya dinhi sa pagsugat kanimo. Adunay kauban siya nga 400 ka mga lalaki.”

Genesis 33:9

Apan mitubag si Esau, “Daghan na akog kabtangan, igsoon ko, busa tipigi na lang kadto alang sa imong kaugalingon.”

2 Samuel 8:14

Unya nagpabutang siyag mga kampo sa tibuok Edom, ug nahimo niyang sakop ang tanang mga Edomihanon. Gipadaog sa Ginoo si David sa iyang mga pagpakig-gira bisan asa siya moadto.

2 Mga Hari 14:10

“Amazia, tinuod nga napildi mo ang Edom ug mibukad na ang imong atay tungod niini. Makontento ka nalang sa imong kadaogan ug pagpuyo diha sa imong palasyo. Nganong mangita ka pa man ug samok nga magdala ug kalaglagan kanimo ug sa Juda?”

2 Mga Hari 14:7

Nakapatay si Amazia ug 10,000 ka mga taga-Edom sa walog nga gitawag ug Asin. Nailog usab niya ang Sela, ug gitawag niya kinig Jokteel, ug mao gihapon ang ngalan niini hangtod karon.

2 Cronicas 21:10

Hangtod karon nagrebelde pa gihapon ang Edom sa Juda. Niadtong panahona, nagrebelde usab ang Libna sa Juda, tungod kay gisalikway ni Jehoram ang Ginoo, nga Dios sa iyang mga katigulangan.

2 Cronicas 21:8

Sa panahon sa paghari ni Jehoram, nagrebelde ang Edom sa Juda, ug nagpili sila ug ilang kaugalingong hari.

2 Cronicas 28:17

Kay gisulong na usab sa mga taga-Edom ang Juda ug gibihag ang uban nga mga lumulupyo niini.

Salmo 60:8

Ang Moab akong sulugoon ug ang Edom akong gipanag-iyahan. Mosinggit ako sa kadaogan batok sa Filistia.”

Mateo 10:34

“Ayaw kamo paghuna-huna nga mianhi ako sa kalibotan aron mahimong maayo ang relasyon sa usag usa. Mianhi ako aron magkagubot sila.