Genesis 27:19 - Ang Pulong sa Dios

¹⁹ Mitubag si Jacob, “Ako si Esau, ang kamagulangan mong anak. Nabuhat ko na ang imong gisugo kanako. Bangon una ug kaon sa akong pinangayaman aron mapanalanginan mo ako.”

Ang Biblia 2011

¹⁹ Si Jacob miingon sa iyang amahan, “Ako si Esau nga imong kamagulangan. Gibuhat nako ang imong gisugo kanako. Karon lingkod, ug kaon sa akong pinangayaman aron panalanginan nimo ako.”

Maayong Balita Biblia

¹⁹ Mitubag si Jacob, “Ako si Esau, ang imong kamagulangang anak. Natuman ko na ang gisugo mo kanako. Busa bangon na ug kaon niining dala kong sud-an aron unya panalanginan mo ako.”

Ang Bag-ong Maayong Balita Biblia

¹⁹ Mitubag si Jacob, “Ako si Esau, ang imong kamagulangang anak. Natuman ko na ang gisugo mo kanako. Busa bangon na ug kaon niining dala kong sud-an aron unya panalanginan mo ako.”

Genesis 27:19 Cross References

Genesis 25:25

Ang una nga migawas pulahon ug pamanit ug balhiboon, busa ginganlan nila siya ug Esau.

Genesis 25:28

Gipangga ni Isaac si Esau tungod kay ganahan siyang mokaon sa mga gipangayam niini, apan si Jacob gipangga ni Rebeka.

Genesis 27:18

Gidala kadto ni Jacob sa iyang amahan ug miingon, “Amahan ko!” Miingon si Isaac, “Kinsa ka, anak ko?”

Genesis 27:21

Miingon si Isaac, “Paduol kanako anak aron mahikap ka nako ug masiguro ko kon ikaw ba gayod si Esau o dili.”

Genesis 27:31

Nagluto usab siya ug lamiang pagkaon ug iya kining gidala sa iyang amahan. Miingon siya, “Amahan ko, bangon ug kaon niining akong pinangayaman aron mapanalanginan mo ako.”

Genesis 27:35

Apan mitubag si Isaac, “Gilimbongan ako sa imong manghod ug nakuha na niya ang panalangin nga alang unta kanimo.”

Genesis 27:4

Unya, lutoi ako sa lamiang pagkaon nga akong paborito ug dad-a kini kanako aron akong kan-on ug pagkahuman, panalanginan ka nako sa dili pa ako mamatay.”

Genesis 27:45

ug malimtan na niya ang imong gibuhat kaniya. Ipakuha ko lang unya ikaw kon wala na siyay kasuko kanimo. Dili ako makaantos nga dungan kamong mawala kanako.”

1 Mga Hari 13:18

Miingon ang tigulang nga propeta, “Propeta usab ako sama kanimo. Ug gisugo sa Ginoo ang usa ka anghel sa pagsulti kanako nga dad-on ka nako sa akong balay aron makakaon ka ug makainom.” (Apan nagbakak ang tigulang nga propeta.)

1 Mga Hari 14:2

Busa miingon si Jeroboam sa iyang asawa, “Pagpakaaron-ingnon aron walay makaila nga ikaw akong asawa ug adto sa Silo. Atua didto si Ahia, ang propeta nga nag-ingon kanako nga mahimo akong hari sa Israel.

Isaias 28:15

Kay mapasigarbohon kamo nga moingon, “Naghimo kamig kasabotan uban sa kamatayon aron dili kini modangat kanamo, ug aduna kami kasabotan sa dapit sa mga patay nga dili kami dad-on didto. Busa dili kami maunsa bisan moabot pa ang katalagman nga sama sa baha, kay nagsalig kami sa mga bakak ug nagpasalipod kami sa pagpanglimbong.”