Genesis 26:25 - Ang Pulong sa Dios

²⁵ Busa naghimo si Isaac ug halaran ug misimba sa Ginoo. Nagpatindog siya ug tolda niadtong dapita ug nagkalot ang iyang mga sulugoon ug atabay.

Ang Biblia 2011

²⁵ Busa si Isaac nagtukod didto ug usa ka halaran ug mitawag sa ngalan sa Ginoo, ug gipatindog niya didto ang iyang tolda ug ang mga sulugoon ni Isaac nagkalot ug usa ka atabay.

Maayong Balita Biblia

²⁵ Ug naghimo si Isaac ug halaran didto ug gisimba niya ang Ginoo. Didto nagkampo siya ug gipakalot niyag atabay ang iyang mga sulugoon.

Ang Bag-ong Maayong Balita Biblia

²⁵ Ug naghimo si Isaac ug halaran didto ug gisimba niya ang Ginoo. Didto nagkampo siya ug gipakalot niyag atabay ang iyang mga sulugoon.

Genesis 26:25 Cross References

Genesis 13:18

Busa gibalhin ni Abram ang iyang tolda, ug didto siya mipuyo duol sa kahoy nga tugas ni Mamre didto sa Hebron, ug nagbuhat siya didto ug halaran alang sa Ginoo.

Genesis 22:9

Sa pag-abot nila sa dapit nga giingon sa Dios, nagbuhat si Abraham ug halaran, ug gipahimutang niya ang mga sugnod ibabaw niini. Unya gigapos niya si Isaac ug gipahiluna ibabaw sa mga sugnod didto sa halaran.

Genesis 26:32

Niadto usab nga adlaw, miabot ang mga sulugoon ni Isaac ug misugilon kaniya nga adunay tubig ang atabay nga ilang gikalot.

Genesis 33:20

Ug didto, nagbuhat si Jacob ug halaran nga ginganlan niya ug El Elohe Israel.

Genesis 35:1

Unya, miingon ang Dios kang Jacob, “Pangandam, lakaw sa Betel ug puyo didto. Unya pagbuhat didto ug halaran alang kanako, ang Dios nga nagpakita kanimo sa dihang miikyas ka kaniadto gikan sa imong igsoon nga si Esau.”

Genesis 4:26

Si Set nakabaton usab ug anak nga iyang ginganlan ug Enos. Sa panahon nga natawo si Enos, nagsugod ang mga tawo ug tawag sa ngalan sa Ginoo.

Genesis 8:20

Nagbuhat si Noe ug halaran alang sa Ginoo. Unya mikuha siya ug usa sa matag matang sa hinlo nga mananap apil usab sa matag matang sa langgam nga hinlo ug gisunog niya kini sa halaran ingon nga halad sa Ginoo.

Salmo 116:17

Mosimba ako ug mohalad ug halad sa pagpasalamat kanimo.

Exodo 17:15

Naghimo si Moises ug halaran ug gitawag kini nga, “Ang Ginoo mao ang akong Bandera sa Pagdaog.”