Genesis 26:18 - Ang Pulong sa Dios

¹⁸ Gipakalot niya pag-usab ang mga atabay nga gikalot sa mga tawo sa panahon sa iyang amahan nga si Abraham. Gipangtabonan kini sa mga Filistihanon human namatay si Abraham. Ginganlan ni Isaac ang mga atabay sa mao gihapon nga ngalan nga gihatag kaniadto ni Abraham.

Ang Biblia 2011

¹⁸ Ug gikalot pag-usab ni Isaac ang mga atabay sa tubig nga ilang gikalot sa mga adlaw ni Abraham nga iyang amahan kay gitabonan kini sa mga Filistihanon human mamatay si Abraham. Ug kini ginganlan niya sama sa mga ngalan nga gihatag kanila sa iyang amahan.

Maayong Balita Biblia

¹⁸ Gipakalot niya pag-usab ang mga atabay nga gikalot kaniadto sa mga sulugoon sa iyang amahan nga si Abraham apan gitabonan sa mga Filistihanon sa pagkamatay na ni Abraham. Ug ginganlan ni Isaac ang maong mga atabay sa mao gihapong mga ngalan nga gingalan ni Abraham niini.

Ang Bag-ong Maayong Balita Biblia

¹⁸ Gipakalot niya pag-usab ang mga atabay nga gikalot kaniadto sa mga sulugoon sa iyang amahan nga si Abraham apan gitabonan sa mga Filistihanon sa pagkamatay na ni Abraham. Ug ginganlan ni Isaac ang maong mga atabay sa mao gihapong mga ngalan nga gingalan ni Abraham niini.

Genesis 26:18 Cross References

Genesis 21:25

Apan mireklamo si Abraham kang Abimelec mahitungod sa atabay nga giilog sa mga sulugoon ni Abimelec.

Genesis 21:30

Mitubag si Abraham, “Dawata kining pito ka bayeng karnero isip pagpamatuod nga ako ang nagkalot niini nga atabay.”

Genesis 21:31

Gitawag nila kadtong dapita ug Beersheba tungod kay nanumpa silang duha didto.

Genesis 26:17

Busa mibiya si Isaac. Nagpatindog siya sa iyang tolda didto sa walog sa Gerar, ug didto na mipuyo.

Genesis 26:19

Didto sa walog, nagkalot ug bag-ong atabay ang mga sulugoon ni Isaac ug nakakaplag sila ug tubod.

2 Cronicas 26:10

Nagpatukod usab siyag mga tore sa kamingawan ug nagpakalot ug daghan mga bangag nga pundohanan ug tubig, tungod kay daghan siyag mga kahayopan sa kabungtoran sa kasadpan ug sa kapatagan. Mahiligon usab siya sa pagpanguma. Aduna siyay mga tawo nga nag-atiman sa iyang uma ug tamnanan sa ubas sa kabungtoran ug sa kapatagan.

Salmo 16:4

Apan kadtong nagdangop sa mga dios-dios nagdugang lang sa ilang mga kalisdanan. Dili ako moapil sa ilang paghalad ug dugo ngadto sa mga dios-dios, ug dili gayod ako mosangpit sa mga ngalan nianang mga dios-dios.

Oseas 2:17

Dili ko na gayod kamo pasangpiton sa mga ngalan ni Baal.

Numeros 32:38

Sibma, ug ang mga dapit nga gitawag kanhi ug Nebo ug Baal Meon. Giilisan nila ang mga ngalan sa mga lungsod nga ilang gitukod pag-usab.