Genesis 24:29 - Ang Pulong sa Dios

^29-30 Adunay igsoon si Rebeka nga ginganlag Laban. Nakadungog kini sa iyang gisugilon mahitungod sa gipanulti sa tawo kaniya, ug nakita usab niini ang singsing ug pulseras nga iyang gisul-ob. Busa midagan si Laban paingon sa atabay ug miadto sa tawo nga giingon ni Rebeka. Nakita niya kini nga nagtindog duol sa atabay, uban sa mga kamelyo.

Ang Biblia 2011

²⁹ Ug si Rebecca may usa ka igsoon nga lalaki nga ginganlan ug si Laban. Ug si Laban midagan ngadto sa gawas padulong sa tawo didto sa tuboran.

Maayong Balita Biblia

²⁹ Si Rebecca may igsoong lalaki nga si Laban. Midagan si Laban ngadto sa tawo nga didto sa atabay.

Ang Bag-ong Maayong Balita Biblia

²⁹ Si Rebecca may igsoong lalaki nga si Laban. Midagan si Laban ngadto sa tawo nga didto sa atabay.

Genesis 24:29 Cross References

Genesis 24:55

Apan miingon ang igsoong lalaki ug ang inahan ni Rebeka, “Tugoti lang una si Rebeka nga magpabilin dinhi uban kanamo bisan ug napulo lang ka adlaw, pagkahuman niana, makalakaw na kamo.”

Genesis 24:60

Gipanalanginan nila si Rebeka sa iyang paglakaw. Miingon sila, “Igsoon namo, hinaut pa nga maggikan kanimo ang daghan kaayo nga mga kaliwat. Hinaut pa nga pildihon sa imong mga kaliwat ang mga lungsod sa ilang mga kaaway.”

Genesis 25:20

Nag-edad si Isaac ug 40 ka tuig sa dihang nangasawa siya kang Rebeka nga anak ni Betuel nga Aramehanon, nga taga-Padan Aram. Si Rebeka igsoon ni Laban nga Aramehanon usab.

Genesis 27:43

Busa pamati sa akong isulti: Lakaw, ikyas ngadto sa Haran, didto sa akong igsoon nga si Laban.

Genesis 28:2

Adto sa Padan Aram, didto sa panimalay ni Betuel nga amahan sa imong inahan, ug pangasaw-a ang usa sa mga anak nga dalaga ni Laban nga igsoon sa imong inahan.

Genesis 29:13

Pagkadungog ni Laban sa balita bahin kang Jacob nga iyang pag-umangkon kang Rebeka, midagan siya sa pagtagbo kaniya. Gigakos niya si Jacob ug gihagkan, ug gidala sa ilang balay. Ug didto gisugilon ni Jacob kang Laban ang tanan nga nahitabo.

Genesis 29:5

Nangutana si Jacob, “Nakaila ba kamo kang Laban nga apo ni Nahor?” Mitubag sila, “Oo, nakaila kami kaniya.”