Genesis 21:16 - Ang Pulong sa Dios

¹⁶ ug milakaw siya sa unahan, nga mga 100 ka metro ang gilay-on gikan sa bata. Milingkod siya didto ug midangoyngoy ug hilak ug miingon, “Dili ako makaantos nga motan-aw sa akong anak nga mamatay.”

Ang Biblia 2011

¹⁶ Ug milakaw siya ug milingkod sa iyang atbang nga may igong gilay-on, ingon sa gilay-on sa usa ka pagbuhi sa pana, kay miingon siya, “Hinaot unta nga dili ako makakita sa kamatayon sa bata.” Ug milingkod si Hagar atbang sa bata ug mipatugbaw ang bata sa iyang tingog ug mihilak.

Maayong Balita Biblia

¹⁶ Ug milingkod siya sa dapit nga may mga 100 ka metros ang gilay-on gikan sa bata. Miingon siya sa iyang kaugalingon, “Dili ako makaako pagsud-ong nga mamatay ang bata.” Unya samtang naglingkod siya didto, mihilak ang bata.

Ang Bag-ong Maayong Balita Biblia

¹⁶ Ug milingkod siya sa dapit nga may mga 100 ka metros ang gilay-on gikan sa bata. Miingon siya sa iyang kaugalingon, “Dili ako makaako pagsud-ong nga mamatay ang bata.” Unya samtang naglingkod siya didto, mihilak ang bata.

Genesis 21:16 Cross References

Genesis 21:15

Sa dihang nahurot na ang ilang tubig, gibilin niya ang iyang anak ilalom sa usa ka tanom

Genesis 27:38

Nagpakiluoy si Esau sa iyang amahan, “Amahan ko, usa lang ba gayoy imong panalangin? Panalangini usab ako!” Ug mihilak siya ug kusog.

Genesis 29:11

Pagkahuman, gihagkan ni Jacob si Raquel ug mihilak siya sa kalipay.

Genesis 44:34

Dili ako mopauli kon dili ko kauban ang among kamanghoran. Dili ako makaako sa pagsud-ong sa daotan unya nga mahitabo sa among amahan tungod niini.”

1 Mga Hari 17:12

Miingon ang biyuda, “Sultihan ka nako sa tinuod atubangan sa buhi nga Ginoo, nga imong Dios, nga wala na akoy pan. Anaay nahibilin nga usa ka kumkom nga harina ug diotayng lana. Nangahoy ako ug mopauli aron lutuon ang nahibilin nga harina alang kanako ug sa akong anak, ug pagkahuman niini mangamatay na kami sa kagutom.”

1 Mga Hari 3:26

Naluoy sa iyang anak ang tinuod nga inahan sa buhi nga bata, busa miingon siya sa hari, “Maluoy ka, Mahal nga Hari, ayaw patya ang bata! Ihatag na lang siya nianang babaye.” Apan miingon ang usa ka babaye, “Walay usa kanato nga makaangkon kaniya. Sige, pikasa ang bata!”

Ester 8:6

Kay dili ako makaantos nga makita nga mangamatay ang akong mga katawhan ug mga paryente.”

Isaias 49:15

Apan mitubag ang  Ginoo, “Makalimot ba ang usa ka inahan sa iyang anak nga masuso? Dili ba niya kaloy-an ang bata nga iyang gipanganak? Bisan malimot siya, ako dili gayod malimot kaninyo!

Jeremias 6:26

O mga katagilungsod ko, pagbisti kamog sako ug ligid sa abo sa pagpakita sa inyong pagsubo. Pagbangotan kamo nga daw namatyan kamog bugtong anak nga lalaki. Kay sa kalit lang mosulong kanato ang kaaway.

Amos 8:10

Himuon kong pagbangotan ang inyong kasadya sa pista, ug himuon kong pagminatay ang inyong panag-awit. Pabistihon ko kamo ug sako ug paupawan ko kamo, timailhan sa inyong pagsubo. Himuon ko kining daw adlaw diin nagbangotan kamo alang sa inyong bugtong anak nga lalaki, ug mahuman kini nga daw usa ka adlaw nga hilabihan ka pait.”

Zacarias 12:10

“Hatagan ko ang mga kaliwat ni David ug ang mga lumulupyo sa Jerusalem sa espiritu nga maluloy-on ug mainampoon. Tan-awon nila siya, nga ilang gipatay, ug manghilak sila sama sa ginikanan nga gahilak sa pagkamatay sa ilang bugtong anak o kamagulangang anak.

Lucas 15:20

Busa mipauli siya. “Samtang layo pa siya, nakita na siya sa iyang amahan. Naluoy gayod ang amahan sa iyang anak, busa midagan siya paingon sa iyang anak ug gigakos niya kini ug gihagkan.

Mga Maghuhukom 2:4

Sa dihang nadungog sa mga Israelinhon ang gisulti sa anghel sa Ginoo, nanghilak sila pag-ayo.

Ruth 1:9

Ug hinaut nga itugot sa Ginoo nga maminyo kamo pag-usab aron mapahimutang kamo sa inyong bag-ong panimalay.” Unya gihagkan sila ni Noemi. Nanghilak silag kusog

1 Samuel 24:16

Pagkahuman ug sulti ni David, miingon si Saulo, “Ikaw ba gayod kana David, anak ko?” Ug mihilak siya ug kusog.

1 Samuel 30:4

Busa nanghilak sila sa hilabihan hangtod nangaluya sila.