Genesis 20:6 - Ang Pulong sa Dios

⁶ Mitubag ang Dios, “Oo, nasayod ako nga wala kay daotang tinguha, busa wala ako motugot nga mahilabtan mo siya aron dili ka makasala kanako.

Ang Biblia 2011

⁶ Unya ang Dios miingon kaniya diha sa damgo, “Oo, ako usab nahibalo nga sa kahingpit sa imong kasingkasing gibuhat nimo kini ug ako usab nagpugong kanimo sa pagpakasala batok kanako ug niini wala ko ikaw tugoti nga motandog kaniya.

Maayong Balita Biblia

⁶ Mitubag ang Dios pinaagi gihapon sa damgo, “Tinuod, gibuhat mo kini nga walay daotang tuyo. Busa aron dili ka makasala kanako, wala ko ikaw tugoti sa paghilabot kaniya.

Ang Bag-ong Maayong Balita Biblia

⁶ Mitubag ang Dios pinaagi gihapon sa damgo, “Tinuod, gibuhat mo kini nga walay daotang tuyo. Busa aron dili ka makasala kanako, wala ko ikaw tugoti sa paghilabot kaniya.

Genesis 20:6 Cross References

Genesis 26:11

Unya gipahimangnoan ni Abimelec ang tanang mga tawo. Miingon siya, “Si bisan kinsa nga mobuhat ug daotan niini nga lalaki o sa iyang asawa patyon gayod.”

Genesis 3:3

gawas lang sa bunga sa kahoy nga anaa sa taliwala niini. Kay miingon ang Dios, ‘Dili gayod kamo mokaon sa bunga niana nga kahoy o bisan mohikap man lang. Kon himuon ninyo kana, mamatay kamo.’ ”

Genesis 31:24

Niadtong gabhiona, nagpakita ang Dios kang Laban nga Aramehanon pinaagi sa damgo. Miingon ang Dios kaniya, “Ayaw hilabti si Jacob.”

Genesis 31:7

apan gitunto niya ako. Napulo ka higayon nga giusab-usab niya ang akong suhol. Apan wala motugot ang Dios nga makahimo siyag kadaot kanako.

Genesis 35:5

Sa paggikan nila ni Jacob, giabot ug kahadlok sa Dios ang mga tawo sa palibot nga mga lungsod, busa wala nila gukda sila si Jacob.

Genesis 39:9

Gihatagan niya ako sa labawng katungod dinhi niini nga panimalay, ug gitugyan niya kanako ang tanan gawas lang kanimo tungod kay ikaw iyang asawa. Busa dili ko mahimong budhian ang akong agalon ug magpakasala sa Dios.”

Salmo 51:4

Kanimo lang gayod ako nakasala. Gihimo ko ang mga butang nga giisip mong daotan. Busa husto ka sa imong pagsentensya kanako. Makatarunganon ka sa imong paghukom kanako.

Salmo 81:12

Busa gipasagdan ko kamo sa inyong pagkagahig ulo, ug sa pagtuman sa inyong gusto.

Salmo 84:11

Kay ikaw, Ginoong Dios, sama sa adlaw nga naghatag ug kahayag, ug sa taming nga nagpanalipod. Naghatag ka ug panalangin ug kadungganan. Wala kay gihikaw nga maayong butang sa mga tawo nga nagkinabuhi nga maligdong.

Exodo 34:24

Abugon ko ang mga katawhan gikan sa yuta nga ihatag ko kaninyo, ug palapdon ko ang inyong teritoryo. Walay manulong o mangilog sa inyong nasod sa panahon nga moatubang kamo kanako, ang Ginoo nga inyong Dios, nianang tulo ka higayon matag tuig.

Mga Panultihon 21:1

Maingon nga gibut-an sa Ginoo ang pagdagayday sa suba, mahimo usab niyang but-an ang huna-huna sa hari sumala sa iyang gusto.

Mga Panultihon 6:29

Mao kana nga kon makighilawas ka sa asawa sa uban, silotan ka!

Levitico 6:2

“Kung adunay usa ka tawo nga makasala sa Ginoo pinaagi sa paglimbong sa iyang isigka-tawo bahin sa butang nga gipatipigan o gibilin kaniya, o pagkawat niining butanga, o pagpanglimbong,

Mateo 27:19

Samtang naglingkod si Pilato sa lingkoranan diin siya maghukom, gipasugoan siya sa iyang asawa nga paingnan, “Ayaw pagpanghilabot nianang matarong nga tawo, kay gabii nasamok gayod ako tungod sa akong damgo mahitungod kaniya.”

1 Mga Taga-Corinto 7:1

Karon, ania ang akong tubag mahitungod sa mga pangutana nga inyong gisulat kanako. Maayo unta alang sa usa ka tawo nga dili maminyo.

2 Mga Taga-Corinto 6:17

“Busa, angay kamong magpalayo ug mobulag sa mga tawo nga wala motuo kanako. Ayaw kamo paghilabot sa bisan unsang mahugaw, ug dawaton ko kamo.”

2 Mga Taga-Tesalonica 2:11

Tungod niini gipasagdan sa Dios nga malimbongan sila aron nga motuo sila sa bakak,

2 Mga Taga-Tesalonica 2:7

Tinuod nga karon adunay mga nagsupak na sa Dios, apan kon unsa gayod ang buhaton niadtong tawong daotan wala pa kini masayri karon. Kon unsa man ugaling ang iyang buhaton dili pa kini mahitabo hangtod dili pa makuha ang nakapugong sa iyang pag-anhi.

1 Samuel 25:26

“Karon, gipugngan ka sa Ginoo sa pagpanimalos ug sa pagpatay. Ipanumpa ko sa buhi nga Ginoo ug kanimo, nga hinaut pa nga ang imong mga kaaway ug ang tanan nga buot mopasipala kanimo silotan sa Dios sama nga silotan niya si Nabal.

1 Samuel 25:34

Kon wala ka magdali-dali sa pagpakigkita kanako, wala untay mahibiling buhi sa mga tawo ni Nabal pagkabuntag. Kay mao kana ang akong gipanumpa sa buhi nga Ginoo, nga Dios sa Israel, nga nagpugong kanako sa paghimo ug daotan kanimo.”