Genesis 20:11 - Ang Pulong sa Dios

¹¹ Mitubag si Abraham, “Abi ko ug wala na gayoy nagtahod sa Dios niining dapita, ug nakahuna-huna ako nga basin ug patyon ninyo ako aron makuha ninyo ang akong asawa.

Ang Biblia 2011

¹¹ Ug si Abraham miingon, “Gibuhat ko kini kay naghunahuna ako nga ang pagkahadlok ngadto sa Dios wala niining dapita ug ako patyon nila tungod sa akong asawa.

Maayong Balita Biblia

¹¹ Si Abraham mitubag, “Nagtuo man gud ako nga dinhi wala gayoy nahadlok sa Dios ug nga ila akong patyon aron mailog nila ang akong asawa.

Ang Bag-ong Maayong Balita Biblia

¹¹ Si Abraham mitubag, “Nagtuo man gud ako nga dinhi wala gayoy nahadlok sa Dios ug nga ila akong patyon aron mailog nila ang akong asawa.

Genesis 20:11 Cross References

Genesis 12:12

Kon makita ka sa mga Ehiptohanon moingon sila, ‘Iya kining asawa.’ Unya, patyon nila ako ug ikaw dili.

Genesis 20:10

Nganong gibuhat mo man kini?”

Genesis 20:12

Tinuod man pud nga managsoon kami, apan sa amahan lang ug dili sa inahan, ug gipangasawa ko siya.

Genesis 22:12

Unya miingon ang anghel, “Ayaw pasipad-i ang bata! Karon napamatud-an ko na gayod nga aduna kay kahadlok sa Dios tungod kay wala mo ihikaw ang imong bugtong nga anak.”

Genesis 26:7

Matahom si Rebeka, busa kon mangutana ang mga taga-Gerar kang Isaac bahin sa iyang asawa motubag siya nga igsoon niya kini. Nahadlok siyang moingon nga asawa niya si Rebeka kay basin ug patyon nila siya aron makuha kini.

Genesis 42:18

Sa ikatulo ka adlaw, miingon si Jose kanila, “Nagtahod ako sa Dios, busa hatagan ko pa kamo ug higayon nga mabuhi kon tumanon lang ninyo ang akong isugo kaninyo.

Nehemias 5:15

Apan ang mga gobernador nga nahauna kanako nahimong problema sa mga tawo, tungod kay nangayo gayod sila sa ilang adlaw-adlaw nga pagkaon ug bino, wala pay labot sa 40 kabuok nga pilak. Apil ang ilang mga opisyal nag-abuso sa mga tawo. Apan wala ko gayod kadto himoa tungod sa akong pagtahod sa Dios.

Job 1:1

Adunay usa ka tawo nga ginganlag Job, nga nagpuyo sa yuta sa Uz. Matarong ug walay ikasaway sa iyang kinabuhi. Nagtahod siya sa Dios ug naglikay sa paghimo ug daotan.

Job 28:28

Unya miingon siya sa mga tawo, ‘Adunay kaalam kamo ug panabot kon magtahod kamo sa Ginoo ug maglikay sa daotan.’ ”

Salmo 14:4

Wala ba makahibalo kining daotang mga tawo sa ilang ginahimo? Siyempre nakahibalo! Nanginabuhi sila pinaagi sa pagpangilkil sa akong mga katawhan, ug wala sila nag-ampo sa Ginoo.

Mga Panultihon 1:7

Ang tawo nga gustong magmaalamon angayng magtahod sa Ginoo. Ang tawong buang-buang gipakawalay-bili ang kaalam ug dili gustong matul-id ang iyang pamatasan.

Mga Panultihon 16:6

Kon tinuoray natong ginahigugma ang  Ginoo, pasayloon niya ang atong mga sala. Kon nagtahod kita kaniya, malikay kita sa kadaotan.

Mga Panultihon 2:5

Kon himuon mo kini, masayran mo kon unsa ang pagtahod sa Ginoo, ug masabtan mo ang mahitungod sa Dios.

Mga Panultihon 8:13

Ang nagtahod sa Ginoo nasilag sa daotan. Gikasilagan ko ang pagpanghambog, ang pagkamapahitas-on, ang daotang batasan, ug ang pagpamakak.

Roma 3:18

“Ug wala gayod silay kahadlok sa Dios.”