Genesis 19:30 - Ang Pulong sa Dios

³⁰ Nahadlok si Lot nga mopuyo sa Zoar, busa mibalhin siya sa bukid uban sa iyang duha ka anak nga dalaga ug didto nagpuyo sa langub.

Ang Biblia 2011

³⁰ Unya si Lot mitungas gikan sa Zoar ug mipuyo didto sa kabukiran uban sa iyang duha ka anak nga babaye kay nahadlok siya sa pagpuyo sa Zoar, ug mipuyo siya sa usa ka langob, siya ug ang iyang duha ka anak nga babaye.

Maayong Balita Biblia

³⁰ Tungod kay nahadlok man si Lot pagpuyo didto sa Zoar, siya ug ang duha niya ka anak nga dalaga mibalhin ngadto sa kabungtoran diin mipuyo sila sa usa ka langub.

Ang Bag-ong Maayong Balita Biblia

³⁰ Tungod kay nahadlok man si Lot pagpuyo didto sa Zoar, siya ug ang duha niya ka anak nga dalaga mibalhin ngadto sa kabungtoran diin mipuyo sila sa usa ka langub.

Genesis 19:30 Cross References

Genesis 13:10

Mitan-aw si Lot sa palibot ug nakita niya nga abunda sa tubig ang Walog sa Jordan hangtod sa Zoar, sama sa tanaman sa Ginoo ug sa yuta sa Ehipto. (Sa panahon kini nga wala pa gilaglag sa Ginoo ang Sodoma ug Gomora.)

Genesis 14:22

Apan mitubag si Abram, “Nanumpa ako atubangan sa Ginoo, ang Labing Halangdong Dios nga mao ang nagbuhat sa langit ug sa yuta,

Genesis 19:17

Sa dihang didto na sila sa gawas, miingon ang usa kanila, “Panagan kamo! Ayaw gayod kamo paglingi o paghunong sa bisan asa nga bahin niining kapatagan. Panagan kamo sa bukid aron dili kamo mamatay.”

Genesis 19:19

Gikaloy-an mo ako ug gipakita mo ang imong kaayo kanako pinaagi sa pagluwas sa akong kinabuhi. Apan layo kaayo kadtong bukid; basig maapsan ako sa katalagman ug mamatay ako sa dili pa makaabot didto.

Genesis 49:4

Apan sama ka sa nagbukal nga tubig, kay dili ka makapugong sa imong kaibog. Ug tungod kay nakigdulog ka sa akong asawa nga sulugoon ug gihugawan mo ang akong kaminyoon, dili ka na molabaw sa uban.

Isaias 15:5

Naluoy gayod ako sa Moab. Miikyas ang iyang mga katawhan ngadto sa Zoar ug sa Eglat Shelishiya. Naghilak sila nga mitungas sa Luhit. Ang uban kanila naniyabaw samtang nagpaingon sa Horonaim tungod sa ilang gidangatan.

Jeremias 48:34

“Ang pagtiyabaw madunggan gikan sa taga-Hesbon hangtod sa Eleale ug sa Jahaz. Madungog usab kini sa Zoar hangtod sa Horonaim ug Eglat Shelishiya. Kay bisan ang sapa sa Nimrim mahubsan.

Deuteronomio 34:3

ang Negev, ug ang tibuok nga yuta gikan sa Zoar hangtod sa Walog sa Jerico, ang lungsod sa mga palma.