Genesis 19:22 - Ang Pulong sa Dios

²² Sige, panagan na kamo didto, kay dili ko mahimo ang angay kong buhaton hangtod nga dili pa kamo makaabot didto.” (Gitawag ang maong lungsod nga Zoar.)

Ang Biblia 2011

²² Pagdali, pahilayo didto kay wala akoy mahimo hangtod nga moabot ikaw didto.” Tungod niana ang ngalan sa maong siyudad gitawag nga Zoar.

Maayong Balita Biblia

²² Hala, dagan na! Wala akoy mahimo sa dili ka pa moabot didto.” Kadtong lungsora gitawag ug Zoar kay giingon man ni Lot nga gamay ra kini.

Ang Bag-ong Maayong Balita Biblia

²² Hala, dagan na! Wala akoy mahimo sa dili ka pa moabot didto.” Kadtong lungsora gitawag ug Zoar kay giingon man ni Lot nga gamay ra kini.

Genesis 19:22 Cross References

Genesis 13:10

Mitan-aw si Lot sa palibot ug nakita niya nga abunda sa tubig ang Walog sa Jordan hangtod sa Zoar, sama sa tanaman sa Ginoo ug sa yuta sa Ehipto. (Sa panahon kini nga wala pa gilaglag sa Ginoo ang Sodoma ug Gomora.)

Genesis 14:2

nakig-gira batok kang Bera nga hari sa Sodoma, kang Birsha nga hari sa Gomora, kang Shinab nga hari sa Adma, kang Shemeber nga hari sa Zeboyim, ug sa hari sa Bela nga gitawag usab ug Zoar.

Genesis 19:21

Mitubag ang anghel kaniya, “Mosugot ako sa imong hangyo; dili ko laglagon kanang lungsora.

Genesis 19:23

Hayag na sa dihang nakaabot sila si Lot sa Zoar.

Exodo 32:10

Busa pasagdi ako nga molaglag kanila sa hilabihan kong kasuko. Ug ikaw ug ang imong mga kaliwat ang himuon kong bantogan nga nasod.”

Isaias 15:5

Naluoy gayod ako sa Moab. Miikyas ang iyang mga katawhan ngadto sa Zoar ug sa Eglat Shelishiya. Naghilak sila nga mitungas sa Luhit. Ang uban kanila naniyabaw samtang nagpaingon sa Horonaim tungod sa ilang gidangatan.

Isaias 65:8

Miingon usab ang  Ginoo, “Maingon nga ang usa ka daot nga pungpong sa ubas dili ilabay tungod kay aduna pay mapuslan ang mga ubas diha niini, dili ko usab laglagon ang tanan kong katawhan; luwason ko ang mga nag-alagad kanako.

Jeremias 48:34

“Ang pagtiyabaw madunggan gikan sa taga-Hesbon hangtod sa Eleale ug sa Jahaz. Madungog usab kini sa Zoar hangtod sa Horonaim ug Eglat Shelishiya. Kay bisan ang sapa sa Nimrim mahubsan.

Marcos 6:5

Mao kana nga wala siya makabuhat ug mga milagro niadtong lugara, gawas lang sa pipila ka mga masakiton nga iyang gipandongan sa iyang mga kamot ug nangaayo.

Deuteronomio 34:3

ang Negev, ug ang tibuok nga yuta gikan sa Zoar hangtod sa Walog sa Jerico, ang lungsod sa mga palma.

Deuteronomio 9:14

Pasagdi nga laglagon ko sila aron dili na sila mahinumdoman pa. Unya himuon ka nako ug ang imong mga kaliwat nga usa ka nasod nga mas gamhanan ug mas daghan pa kay kanila.’

2 Timoteo 2:13

Kon dili kita matinumanon, siya matinumanon sa gihapon, kay dili mahimo nga dili siya matinud-anon sa iyang gisulti.”

Tito 1:2

Kini nga kamatuoran ang naghatag kanato ug paglaom nga kita adunay kinabuhi nga walay kataposan. Sa wala pa ang kalibotan, nagsaad na ang Dios nga hatagan niya kita ug kinabuhi nga walay kataposan, ug ang Dios dili gayod mamakak.