Genesis 18:17 - Ang Pulong sa Dios

¹⁷ Miingon ang Ginoo, “Dili ko itago kang Abraham ang akong pagabuhaton.

Ang Biblia 2011

¹⁷ Ang Ginoo miingon, “Itago ba nako gikan kang Abraham ang akong buhaton,

Maayong Balita Biblia

¹⁷ Ang Ginoo miingon, “Dili ko ikatago gikan kang Abraham ang akong buhaton.

Ang Bag-ong Maayong Balita Biblia

¹⁷ Ang Ginoo miingon, “Dili ko ikatago gikan kang Abraham ang akong buhaton.

Genesis 18:17 Cross References

Genesis 18:21

Busa moadto ako didto aron pagsusi kon tinuod ba o dili kini nga mga reklamo.”

Genesis 18:22

Milakaw ang duha ka lalaki paingon sa Sodoma, apan nagpabilin ang Ginoo uban kang Abraham.

Genesis 18:26

Mitubag ang Ginoo, “Kon aduna akoy makitang 50 ka tawong matarong sa Sodoma, dili ko laglagon ang tibuok nga lungsod tungod ug alang kanila.”

Genesis 19:24

Unya gipaulanan sa Ginoo ug nagdilaab nga asupre ang Sodoma ug Gomora.

2 Mga Hari 4:27

Apan pag-abot niya didto kang Eliseo sa bukid, gikuptan niya ang tiil ni Eliseo. Miduol si Gehazi aron ipalayo siya, apan miingon si Eliseo, “Pasagdi lang siya! Kay anaa siya sa kaguol. Apan gililong kini sa Ginoo kanako; wala niya ako sultihi bahin niini.”

2 Cronicas 20:7

O among Dios, dili ba nga gipang-abog mo man ang mga lumulupyo niini nga yuta sa dihang miabot ang imong katawhan? Ug dili ba nga gihatag mo kini sa mga kaliwat ni Abraham nga imong higala aron ilang panag-iyahon, hangtod sa kahangtoran?

Salmo 25:14

Suod ka, Ginoo, sa mga nagtahod kanimo. Ginapahinumdoman mo sila sa imong kasabotan.

Amos 3:7

Sa pagkatinuod, dili mohimo ang Ginoong Dios ug bisan unsa kon dili una niya kini ikapadayag sa iyang mga alagad nga propeta.

Juan 15:15

Dili ko kamo tawgon nga mga sulugoon, kay ang sulugoon wala masayod kon unsa ang gibuhat sa iyang agalon. Tawgon ko na kamo karon nga akong mga higala, kay kon unsa ang akong nadungog gikan sa akong Amahan mao usab ang akong gisulti kaninyo.

Santiago 2:23

Napamatud-an ang giingon sa Kasulatan, “Mituo si Abraham sa Dios, ug tungod sa iyang pagtuo, giisip siya sa Dios nga matarong.” Gitawag pa gani siya nga higala sa Dios.