Genesis 17:16 - Ang Pulong sa Dios

¹⁶ Panalanginan ko siya ug hatagan ka nako ug anak pinaagi kaniya. Mahimo siyang inahan sa daghang mga nasod, ug ang uban niya nga mga kaliwat mahimong hari.”

Ang Biblia 2011

¹⁶ Ako magpanalangin kaniya ug hatagan ko usab ikaw ug anak nga lalaki gikan kaniya. Ako magpanalangin kaniya ug siya mahimo nga inahan sa mga nasod ug ang mga hari sa mga katawhan maggikan kaniya.”

Maayong Balita Biblia

¹⁶ Panalanginan ko siya ug hatagan ko ikawg anak nga lalaki pinaagi kaniya. Panalanginan ko siya ug himoon ko siyang inahan sa kanasoran ug may mahimong mga hari sa iyang mga kaliwat.”

Ang Bag-ong Maayong Balita Biblia

¹⁶ Panalanginan ko siya ug hatagan ko ikawg anak nga lalaki pinaagi kaniya. Panalanginan ko siya ug himoon ko siyang inahan sa kanasoran ug may mahimong mga hari sa iyang mga kaliwat.”

Genesis 17:16 Cross References

Genesis 1:28

Ug gipanalanginan niya sila nga nag-ingon, “Sanay kamo ug pagdaghan aron malukop sa inyong kaliwatan ang kalibotan. Dumalaha ninyo kini ug kamo ang magmando sa tanang matang sa mananap sa tubig, sa kalangitan ug sa yuta man.”

Genesis 12:2

“Himuon ko ang imong mga kaliwat nga usa ka bantogan nga nasod. Panalanginan ka nako ug mahimong bantogan ang imong ngalan. Pinaagi kanimo, daghan ang makadawat sa panalangin.

Genesis 15:4

Miingon ang Ginoo kaniya, “Dili si Eliezer ang manunod sa imong mga kabtangan kondili ang imo gayong kaugalingong anak.”

Genesis 17:15

Miingon pa gayod ang Dios kang Abraham, “Bahin sa imong asawa nga si Sarai, ayaw na siya tawaga ug Sarai, kay sukad karon Sara na ang iyang ngalan.

Genesis 17:19

Mitubag ang Dios, “Dili. Ang imong asawa nga si Sara manganak ug lalaki ug nganlan mo siya ug Isaac. Padayonon ko diha kaniya ang akong kasabotan kanimo, ug magpadayon kini nga kasabotan ngadto sa iyang mga kaliwat hangtod sa kahangtoran.

Genesis 17:6

Padaghanon ko pag-ayo ang imong mga kaliwat ug maggikan kanila ang mga nasod, ug ang uban kanila mahimong mga hari.

Genesis 21:1

Unya, gihinumdoman sa Ginoo si Sara sumala sa iyang gisaad.

Genesis 24:60

Gipanalanginan nila si Rebeka sa iyang paglakaw. Miingon sila, “Igsoon namo, hinaut pa nga maggikan kanimo ang daghan kaayo nga mga kaliwat. Hinaut pa nga pildihon sa imong mga kaliwat ang mga lungsod sa ilang mga kaaway.”

Genesis 25:23

Miingon ang Ginoo kaniya, “Duha ka nasod ang maggikan sa duha ka bata nga anaa sa imong sabakan; duha ka pundok sa mga katawhan nga magkontrahanay. Ang usa mahimong gamhanan kay sa usa. Ang magulang moalagad sa manghod.”

Genesis 35:11

Miingon pa gayod ang Dios kaniya, “Ako ang Dios nga Makagagahom. Manganak kag daghan. Maggikan kanimo ang usa ka nasod ug ang daghan pa nga mga nasod, ug mahimong hari ang uban mong mga kaliwat.

Genesis 36:31

Mao kini sila ang mga hari sa Edom sa panahon nga wala pay mga hari ang mga Israelinhon:

Isaias 49:23

Mag-alagad kanimo ang mga hari ug mga rayna. Sila ang moatiman kanimo. Moluhod sila agig pagtahod kanimo, ug magpasakop gayod sila kanimo. Unya mahibaloan mo nga ako mao ang  Ginoo, ug ang mga nagsalig kanako dili gayod mapakyas.”

Roma 9:9

Kay mao kini ang saad sa Dios kang Abraham: “Mobalik ako dinhi sa sunod nga tuig ug si Sara manganak ug lalaki.”

Mga Taga-Galacia 4:23

Ang iyang anak sa ulipon natawo sa tawhanon nga pamaagi, apan ang anak niya sa iya gayong asawa natawo sumala sa saad sa Dios.

1 Pedro 3:6

Sama ni Sara, gituman niya si Abraham ug giisip niya nga iyang agalon. Kamo karon mga anak na ni Sara, busa kinahanglan maayo ang inyong binuhatan ug dili kamo mahadlok sa bisan unsa.