Genesis 17:11 - Ang Pulong sa Dios

¹¹ Kini ang mahimong ilhanan sa akong kasabotan kaninyo.

Ang Biblia 2011

¹¹ Busa kinahanglan nga tulion ang inyong yamis, ug kini mao ang timaan sa kasabotan tali kanako ug kaninyo.

Maayong Balita Biblia

^11-12 Sukad karon kinahanglan tulion ninyo ang matag lalaki kon siya walo na ka adlaw, lakip ang mga ulipon nga natawo sa inyong balay ug ang mga napalit ninyo gikan sa mga langyaw. Magmatuod kini nga adunay kasabotan tali kaninyo ug kanako.

Ang Bag-ong Maayong Balita Biblia

^11-12 Sukad karon kinahanglan tulion ninyo ang matag lalaki kon siya walo na ka adlaw, lakip ang mga ulipon nga natawo sa inyong balay ug ang mga napalit ninyo gikan sa mga langyaw. Magmatuod kini nga adunay kasabotan tali kaninyo ug kanako.

Genesis 17:11 Cross References

Genesis 9:12

“Ug ingon nga ilhanan sa akong kasabotan kaninyo ug sa tanang matang sa mga mananap, ug sa tanan ninyong umaabot nga mga kaliwat, ibutang ko ang akong bangaw sa mga panganod.

2 Samuel 3:14

Unya nagpadala si David ug mga mensahero kang Isboset aron sa pag-ingon, “Ibalik kanako ang akong asawa nga si Mical, kay naasawa ko siya baylo sa 100 ka panit sa tumoy sa kinatawo sa mga Filistihanon.”

Exodo 12:48

“Kon adunay langyaw nga nagpuyo uban kaninyo nga gustong magsaulog sa Pista sa Paglabay sa Anghel sa pagpasidungog sa Ginoo, kinahanglan tulion una ang tanang mga lalaki nga anaa sa iyang panimalay. Unya makaapil siya sa pagsaulog nga daw usa ka Israelinhon. Dili gayod mahimong makaapil ang tawo nga wala matuli.

Exodo 4:25

Apan nagkuha si Zipora ug hait nga bato ug gituli niya ang iyang anak, ug ang panit sa kinatawo nga iyang nakuha gitapion niya sa kinatawo ni Moises. Unya miingon si Zipora, “Ikaw usa ka nagkadugo nga bana kanako.” (Ang gipamulong ni Zipora adunay kalabotan sa pagtuli.) Busa wala patya sa Ginoo si Moises.

Mga Buhat 7:8

Ug ingon nga ilhanan sa iyang saad gisultihan sa Dios si Abraham nga kinahanglang tulion ang tanang mga lalaki. Busa sa pagkatawo sa iyang anak nga si Isaac, gituli niya kini samtang walo pa lamang ka adlaw. Mao usab kini ang gihimo ni Isaac kang Jacob nga iyang anak. Ug si Jacob mihimo usab niini sa iyang dose ka mga anak nga maoy mga kagikan natong mga Judio.

Roma 4:11

Gituli siya isip timailhan nga gipakamatarong na siya sa Dios tungod sa iyang pagtuo sa wala pa siya matuli. Mao nga si Abraham nahimong amahan sa tanan nga dili Judio apan nagtuo sa Dios; ug tungod sa ilang pagtuo gipakamatarong sila sa Dios.

Deuteronomio 10:16

Busa hinloi ninyo ang inyong kasing-kasing ug ayaw na kamo pagpagahi sa inyong mga ulo.

Josue 5:3

Busa naghimo si Josue ug mga kutsilyo, ug gipangtuli ang mga Israelinhon didto sa Bungtod sa Gitulian.