Genesis 16:7 - Ang Pulong sa Dios

⁷ Nakita sa anghel sa Ginoo si Hagar didto sa adunay tuboran sa kamingawan. Kini nga tuboran duol sa dalan paingon sa Shur.

Ang Biblia 2011

⁷ Unya ang anghel sa Ginoo nakakita kaniya tupad sa usa ka tuboran sa tubig didto sa kamingawan, ang tuboran nga diha sa dalan paingon sa Sur.

Maayong Balita Biblia

⁷ Gitagbo si Hagar sa anghel sa Ginoo didto sa usa ka tubod sa kamingawan, sa dalan paingon sa yuta sa Shur.

Ang Bag-ong Maayong Balita Biblia

⁷ Gitagbo si Hagar sa anghel sa Ginoo didto sa usa ka tubod sa kamingawan, sa dalan paingon sa yuta sa Shur.

Genesis 16:7 Cross References

Genesis 20:1

Mibiya sila si Abraham sa Mamre ug miadto sa Negev. Mipuyo sila sa tunga-tunga sa Kadesh ug Shur ug unya mibalhin sila sa Gerar.

Genesis 21:17

Unya, nadungog sa Dios ang paghilak sa bata. Ug gikan sa langit miingon ang anghel sa Dios kang Hagar, “Unsay imong gihilakan Hagar? Ayaw kahadlok; nadungog sa Dios ang hilak sa imong anak.

Genesis 21:18

Tindog ug bangona ang imong anak, kay himuon kong dako nga nasod ang iyang mga kaliwat.”

Genesis 21:19

Unya gipakita sa Dios kaniya ang usa ka atabay. Giadto niya kini ug gipuno niya ug tubig ang iyang sudlanan. Unya gipainom niya ang iyang anak.

Genesis 22:11

gitawag siya sa anghel sa Ginoo gikan sa langit, “Abraham! Abraham!” Mitubag si Abraham, “Ania ko.”

Genesis 22:15

Sa ikaduhang higayon, mitawag kang Abraham ang anghel sa Ginoo gikan sa langit.

Genesis 24:7

Ang Ginoo, nga Dios sa langit, ang nagdala kanako dinhi gikan sa panimalay sa akong amahan, ug sa dapit diin ako natawo. Ug nanumpa siya nga ihatag niya kining yuta sa Canaan sa akong mga kaliwat. Busa lakaw kay ipadala sa Ginoo ang iyang anghel nga mag-uban kanimo aron makakita ka didto ug pangasaw-onon alang sa akong anak.

Genesis 25:18

Nagpuyo ang iyang mga kaliwat sa mga dapit gikan sa Havila hangtod sa Shur, sa sidlakang bahin sa Ehipto paingon sa Asiria. Ug mipuyo didto nga kontra sa tanan nilang kaparyentehan.

Genesis 31:11

Sa akong damgo gitawag ako sa anghel sa Dios. Miingon siya, ‘Jacob!’ Mitubag ako, ‘Ania ako.’

Exodo 15:22

Gikan sa Pulang Dagat, gidala ni Moises ang mga Israelinhon sa kamingawan sa Shur. Tulo ka adlaw silang nagbaktas sa kamingawan ug wala gayod silay nakita nga tubig.

Exodo 3:2

Nagpakita kaniya didto ang anghel sa Ginoo sa dagway sa nagdilaab nga kalayo diha sa sampinit. Nakita ni Moises nga nagdilaab ang sampinit apan wala kini masunog.

Mga Panultihon 15:3

Makita sa Ginoo ang tanan, bisan asang dapita. Nagtan-aw siya sa mga binuhatan sa mga daotan ug sa mga matarong.

1 Samuel 15:7

Unya gisulong nila ni Saulo ang mga Amalekanhon gikan sa Havila hangtod ngadto sa Shur, sa sidlakan sa Ehipto.