Genesis 16:5 - Ang Pulong sa Dios

⁵ Tungod niini, miingon si Sarai kang Abram, “Gihatag ko si Hagar kanimo apan karon nga mabdos na siya, gibiay-biay na niya ako. Ikaw ang angay basolon niini! Ang Ginoo na ang maghukom kon kinsa kanato ang sad-an.”

Ang Biblia 2011

⁵ Unya si Sarai miingon kang Abram, “Ang sayop maanaa unta kanimo. Akong gihatag ang akong ulipon nga babaye sa imong mga bukton, ug sa pagkakita niya nga nagsamkon na siya, gitan-aw niya ako uban ang pagtamay. Maghukom unta ang Ginoo tali kanako ug kanimo.”

Maayong Balita Biblia

⁵ Unya miingon si Sarai kang Abram, “Ikaw ang angay basolon sa pagbiaybiay ni Hagar kanako. Gihatag ko siya kanimo apan sukad siya masayod nga nagsabak siya, gibiaybiay niya ako. Maghukom unta ang Ginoo kon kinsay sad-an kanato.”

Ang Bag-ong Maayong Balita Biblia

⁵ Unya miingon si Sarai kang Abram, “Ikaw ang angay basolon sa pagbiaybiay ni Hagar kanako. Gihatag ko siya kanimo apan sukad siya masayod nga nagsabak siya, gibiaybiay niya ako. Maghukom unta ang Ginoo kon kinsay sad-an kanato.”

Genesis 16:5 Cross References

Genesis 16:4

Wala madugay namabdos si Hagar. Pagkahibalo ni Hagar nga mabdos siya, gibiay-biay niya si Sarai.

Genesis 31:53

Hinaut pa nga ang Dios sa imong apohan nga si Abraham ug ang Dios sa akong amahan nga si Nahor, nga mao usab ang mga Dios sa ilang amahan nga si Tera, mao ang mohukom kanatong duha.” Nanumpa usab si Jacob sa ngalan sa Dios nga gitahod sa iyang amahan nga si Isaac.

2 Cronicas 24:22

Gikalimtan ni Haring Joas ang kaayo nga gipakita ni Jehoyada nga amahan ni Zacarias ngadto kaniya. Gipatay niya si Zacarias. Mao kini ang giingon ni Zacarias sa dihang himalatyon na siya, “Hinaut nga makita sa Ginoo ang inyong gihimo, ug paninglon niya kamo.”

Salmo 35:23

Sige na, Ginoo nga akong Dios, labani ako sa mga nagpasangil kanako.

Salmo 43:1

Pamatud-i, O Dios, nga wala akoy sala, ug labani ako batok sa dili diosnong mga nasod. Luwasa ako gikan sa limbongan ug daotang mga tawo.

Salmo 7:8

Ikaw, Ginoo, ang naghukom sa mga katawhan. Pamatud-i nga wala akoy sala, kay nasayod ka man nga matarong ako ug wala akoy gihimong daotan.

Exodo 5:21

Miingon sila kang Moises ug kang Aaron, “Hinaut unta nga silotan kamo sa Ginoo, kay tungod kaninyo nasuko kanamo ang hari ug ang iyang mga opisyal. Tungod sa inyong gihimo nakakita silag hinungdan sa pagpatay kanamo!”

Mga Maghuhukom 11:27

Wala kamiy daotang gihimo kaninyo. Kamo hinuon ang naghimog daotan sa inyong pagpakig-gira kanamo. Ang Ginoo mao ang mohukom kon kinsa ang husto kanato.”

1 Samuel 24:16

Pagkahuman ug sulti ni David, miingon si Saulo, “Ikaw ba gayod kana David, anak ko?” Ug mihilak siya ug kusog.