Genesis 10:32 - Ang Pulong sa Dios

³² Mao kadto ang mga kaliwat sa mga anak ni Noe, nga anaa sa nagkalain-laing mga nasod. Pinaagi kanila natukod ang mga nasod sa tibuok kalibotan pagkahuman sa lunop.

Ang Biblia 2011

³² Kini sila mao ang mga kabanayan sa mga anak nga lalaki ni Noe sumala sa ilang mga kaliwatan, sa ilang mga nasod ug gikan kanila ang mga nasod mikaylap dinhi sa yuta human sa lunop.

Maayong Balita Biblia

³² Kining tanan mao ang mga banay sa mga kaliwat ni Noe sumala sa ilang tagsatagsa ka kaliwat ug nasod. Ang tanang kanasoran sa kalibotan naggikan niining mga anak ni Noe human sa lunop.

Ang Bag-ong Maayong Balita Biblia

³² Kining tanan mao ang mga banay sa mga kaliwat ni Noe sumala sa ilang tagsatagsa ka kaliwat ug nasod. Ang tanang kanasoran sa kalibotan naggikan niining mga anak ni Noe human sa lunop.

Genesis 10:32 Cross References

Genesis 10:1

Mao kini ang sugilanon mahitungod sa mga pamilya sa mga anak ni Noe nga sila si Sem, Ham, ug Jafet. Nangatawo ang ilang mga anak pagkahuman sa lunop.

Genesis 10:20

Mao kini sila ang mga kaliwat ni Ham. Ang matag pamilya nila nagpuyo sa ilang kaugalingong dapit nga sakop sa ilang nasod, ug aduna silay kaugalingon nga pinulongan.

Genesis 10:25

Adunay duha ka anak nga lalaki si Eber: Ang usa ginganlag Peleg, tungod kay sa iyang panahon ang mga tawo sa kalibotan nabahin-bahin; ang ngalan sa iyang igsoon mao si Joktan.

Genesis 10:31

Mao kadto sila ang mga kaliwat ni Sem. Ang matag pamilya nila nagpuyo sa ilang kaugalingong dapit nga sakop sa ilang nasod, ug aduna silay kaugalingon nga pinulongan.

Genesis 10:5

Mao kini sila ang mga kaliwat ni Jafet. Sila mao ang gigikanan sa mga tawo nga nagpuyo sa mga baybayon ug mga isla. Ang matag pamilya nila nagpuyo sa ilang kaugalingong dapit nga sakop sa ilang nasod, ug aduna silay kaugalingon nga pinulongan.

Genesis 11:1

Kaniadto, usa lang ang pinulongan sa tanang mga tawo sa tibuok kalibotan.

Genesis 9:1

Unya, gipanalanginan sa Dios si Noe ug ang iyang mga anak ug giingnan, “Panganak kamo aron mosanay ug malukop ang kalibotan.

Genesis 9:19

Kanila naggikan ang tanang mga tawo sa kalibotan.

Genesis 9:7

Panganak kamo aron mosanay ug malukop ninyo ang kalibotan.”

Job 15:19

Mga maalamon kaayo sila, kay sila lang ang nanag-iya sa ilang yuta, ug walay mga taga-laing lugar nga misakop kanila.

Mga Buhat 17:26

Gikan sa usa lang ka tawo, gihimo sa Dios ang nagkalain-laing matang sa tawo ug gipapuyo niya sa tanan nga bahin sa kalibotan. Sukad pa sa sinugdan giplano nang daan sa Dios kon asa magpuyo ang mga tawo lakip ang panahon nga sila magkinabuhi dinhi.