Genesis 10:22 - Ang Pulong sa Dios

²² Ang mga anak ni Sem sila si Elam, Ashur, Arfaxad, Lud, ug Aram.

Ang Biblia 2011

²² Ang mga anak nga lalaki ni Sem: si Elam, si Asur, si Arpacsad, si Lud ug si Aram.

Maayong Balita Biblia

²² Ang mga lalaking anak ni Sem mao sila si Elam, si Asur, si Arfacsad, si Lud ug si Aram nga maoy mga ginikanan sa mga katawhan nga nagdala sa ilang mga ngalan.

Ang Bag-ong Maayong Balita Biblia

²² Ang mga lalaking anak ni Sem mao sila si Elam, si Asur, si Arfacsad, si Lud ug si Aram nga maoy mga ginikanan sa mga katawhan nga nagdala sa ilang mga ngalan.

Genesis 10:22 Cross References

Genesis 10:21

Si Sem nga magulang ni Jafet mao ang kagikan sa tanang kaliwat ni Eber.

Genesis 11:10

Mao kini ang sugilanon mahitungod sa pamilya ni Sem. Duha ka tuig human sa lunop, sa dihang nag-edad na si Sem ug 100 ka tuig, natawo ang iyang anak nga lalaki nga si Arfaxad.

Genesis 9:26

Ug miingon usab siya, “Dalaygon ang Ginoo, ang Dios ni Sem. Hinaut pa nga mahimong ulipon ni Sem si Canaan.

2 Mga Hari 15:19

Unya, miadto ang hari sa Asiria nga si Tiglat Pileser sa Israel sa pagsulong niini. Busa gihatagan ni Menahem si Tiglat Pileser ug sobra 30 ka toneladang pilak aron tabangan siya ni Tiglat Pileser, aron nga molig-on ang paghari ni Menahem.

Job 1:17

Samtang nagsulti pa ang maong tawo, adunay lain na usab nga miabot ug nagbalita, “Gisulong kami sa tulo ka grupo sa mga Kaldeanhon. Gipanguha nila ang imong mga kamelyo ug gipamatay ang akong kaubang mga sulugoon. Ako ra gayoy nakaikyas aron sa pagsugilon kanimo.”

Isaias 11:11

Nianang adlawa, gamiton pag-usab sa Ginoo ang iyang gahom sa pagpabalik sa mga nahibilin niyang mga katawhan nga atua gikan sa Asiria, Ehipto, Patros, Etiopia, Elam, Babilonia, Hamat, ug sa mga isla.

Isaias 21:2

Nakita ko ang usa ka makalilisang nga panan-awon mahitungod sa pagluib ug pagpanglaglag. Kamong mga taga-Elam ug taga-Media, liboti ninyo ang Babilonia ug sulonga. Tapuson sa Dios ang pagpaantos niya sa ubang mga nasod.

Isaias 22:6

Misulong ang mga sundalo nga taga-Elam nga nagsakay ug mga kabayo ug adunay mga pana. Ang mga sundalo sa Kir nanulong usab nga adunay gikuptang mga taming.

Isaias 66:19

“Magpakita akog ilhanan kanila. Ug ang makalingkawas kanila ipadala ko ingon nga mga mensahero ngadto sa kanasoran sa Tarshish, Pul, Lud (kansang katawhan nabantog nga mga mamamana), Tubal, Grecia, ug sa mga isla nga layo, nga wala makadungog sa akong kabantog ug wala makakita sa akong gahom. Imantala nila ang akong gahom ngadto sa mga nasod.

Jeremias 25:25

Zimri, Elam, Media,

Ezequiel 32:24

“Atua usab didto ang hari sa Elam. Nalibotan ang iyang lubnganan sa lubnganan sa iyang mga katawhan. Nangamatay silang tanan sa gubat. Nanaog sila didto sa dapit sa mga patay uban sa mga wala motuo sa Dios. Sa buhi pa sila, gikahadlokan sila sa mga tawo, apan karon naulawan sila uban niadtong mga nangamatay na.

Daniel 8:2

Sa akong panan-awon nakita ko nga nagtindog ako sa daplin sa Suba sa Ulai, didto sa pinarilan nga lungsod sa Susa, nga sakop sa probinsya sa Elam.

Numeros 23:7

Unya miingon si Balaam: “Gikan sa Aram sa kabukiran sa sidlakan, gipakuha ako ni Balak nga hari sa Moab. Miingon siya kanako, ‘Dali, ug panghimaraota ang mga kaliwat ni Jacob alang kanako. Tungloha sila nga katawhan sa Israel.’

Numeros 24:22

Apan malaglag kamo kon bihagon na kamo sa Asiria.”

Lucas 3:36

si Shela anak ni Cainan. Si Cainan anak ni Arfaxad, si Arfaxad anak ni Sem. Si Sem anak ni Noe, si Noe anak ni Lamec.

Mga Buhat 2:9

Ang uban kanato taga-Partia. Adunay mga taga-Media, ug ang uban taga-Elam. Adunay mga taga-Mesopotamia, Judea, ug Capadocia. Adunay mga taga-Ponto ug Asia.