Exodo 9:9 - Ang Pulong sa Dios

⁹ Magkatag kini nga abog sa tibuok Ehipto, ug tungod niini tuboan ug mga hubag-hubag ang mga tawo ug mga kahayopan.”

Ang Biblia 2011

⁹ Ug kini mahimong abog ibabaw sa tibuok yuta sa Ehipto ug mahimong hubag nga mobuto ug mahimong kabahong diha sa mga tawo ug sa mga mananap sa tibuok yuta sa Ehipto.”

Maayong Balita Biblia

⁹ Makatag kini sa tibuok Ehipto sama sa abog ug ang mga tawo ug mga kahayopan hubagan tungod sa abog ug mahimo kining kabahong.”

Ang Bag-ong Maayong Balita Biblia

⁹ Makatag kini sa tibuok Ehipto sama sa abog ug ang mga tawo ug mga kahayopan hubagan tungod sa abog ug mahimo kining kabahong.”

Exodo 9:9 Cross References

Job 2:7

Busa mibiya si Satanas sa presensya sa Ginoo ug gisakit niya si Job pinaagi sa mga hubag-hubag nga nanubo diha sa iyang lapa-lapa hangtod sa iyang ulo.

Exodo 9:10

Busa mikuha si Moises ug si Aaron ug abo sa hurnohan ug mitindog atubangan sa hari. Gisabwag kini ni Moises sa kahanginan, ug gituboan ug mga hubag-hubag ang mga tawo ug mga kahayopan.

Exodo 9:8

Unya miingon ang Ginoo kang Moises ug kang Aaron, “Pagkuha kamo ug tagsa ka kumkom nga abo gikan sa hurnohan ug ipasabwag kini kang Moises sa kahanginan atubangan sa hari.

Deuteronomio 28:27

Paantuson kamo sa Ginoo sa mga hubag-hubag nga sama sa iyang gipadala sa mga Ehiptohanon. Patuboan niya kamo ug mga tumor, mga kabahong, ug mga nuka-nuka nga dili na maayo.

Deuteronomio 28:35

Patuboan kamo sa Ginoo ug mga hubag-hubag nga dili na maayo, gikan sa inyong lapa-lapa hangtod sa ulo.

Gipadayag 16:2

Busa milakaw ang unang anghel ug gibubo niya ang sulod sa iyang yahong didto sa yuta. Ang nahitabo, nahiagom sa makalilisang nga kabahong ang tanan nga nagpamarka sa marka sa mananap ug nagsimba sa larawan niini.