Exodo 8:26 - Ang Pulong sa Dios

²⁶ Mitubag si Moises, “Dili mahimo nga dinhi kami maghalad sa Ehipto, kay ngil-ad alang sa mga Ehiptohanon ang among mga halad sa Ginoo nga among Dios. Ug kon maghalad kamig mga halad nga ngil-ad alang kanila, sigurado nga batohon nila kami.

Ang Biblia 2011

²⁶ Apan si Moises miingon, “Dili angay ang pagbuhat sa ingon kay maghalad kami ngadto sa Ginoo nga among Dios sa halad nga dulumtanan sa mga Ehiptohanon. Kon maghalad kami ug mga mananap nga dulumtanan sa mga Ehiptohanon sa atubangan sa ilang mga mata, dili ba kami unya nila batoon?

Maayong Balita Biblia

²⁶ Si Moises mitubag, “Dili matarong ang pagbuhat sa ingon kay ang among ihalad ngadto sa Ginoo nga among Dios mga mananap man nga hugaw alang sa mga Ehiptohanon. Kon maghalad kamig mga mananap nga giilang hugaw sa mga Ehiptohanon ug makakita sila sa among paghalad, batoon kami nila.

Ang Bag-ong Maayong Balita Biblia

²⁶ Si Moises mitubag, “Dili matarong ang pagbuhat sa ingon kay ang among ihalad ngadto sa Ginoo nga among Dios mga mananap man nga hugaw alang sa mga Ehiptohanon. Kon maghalad kamig mga mananap nga giilang hugaw sa mga Ehiptohanon ug makakita sila sa among paghalad, batoon kami nila.

Exodo 8:26 Cross References

Genesis 43:32

Lahi ang gikan-an ni Jose, lahi ang sa iyang mga igsoon, ug lahi usab ang iya sa mga Ehiptohanon nga didto naniudto. Kay dili mokaon ang mga Ehiptohanon uban sa mga Hebreo, kay mangil-ad kini alang kanila.

Genesis 46:34

ingna siya nga sama sa inyong mga ginikanan, magbalantay usab kamo sa kahayopan sukad pa niadtong gagmay pa kamo, aron sa ingon papuy-on niya kamo sa Goshen. Kay ubos ang pagtan-aw sa mga taga-Ehipto sa mga magbalantay ug kahayopan.”

2 Mga Hari 23:13

Gipaguba usab niya ang mga simbahanan diha sa habog nga mga dapit sa sidlakan sa Jerusalem ug sa habagatan sa Bukid sa Kadaotan. Kini nga mga simbahanan gipahimo ni Solomon nga hari sa Israel alang kang Ashtarot, ang mangil-ad nga diosa sa mga Sidonhon, ug alang kang Kemosh, ang ngil-ad nga dios sa mga Moabihanon, ug alang kang Molec, ang ngil-ad nga dios sa mga Amonihanon.

Esdras 9:1

Pagkahuman niini nga hitabo, miadto kanako ang mga pangulo sa mga Judio ug miingon, “Daghan sa katawhan sa Israel, apil na mga pari ug mga Levita, ang nagkinabuhi sama sa mga katawhan sa ilang palibot. Gihimo nila ang mga malaw-ay nga mga buluhaton sa mga Canaanhon, Hitihanon, Perisihanon, Jebusihanon, Amonihanon, Moabihanon, Ehiptohanon, ug Amorihanon.

Exodo 3:18

“Maminaw kanimo ang mga tigdumala sa Israel. Ug unya, ikaw ug ang mga tigdumala moadto sa hari sa Ehipto ug moingon kaniya, ‘Nagpakita kanamo ang Ginoo, nga Dios sa mga Hebreohanon. Busa kon mahimo tugoti kami sa paglakaw ug tulo ka adlaw ngadto sa kamingawan sa paghalad ngadto sa Ginoo nga among Dios.’

Exodo 8:8

Gipatawag sa hari si Moises ug si Aaron ug giingnan, “Pag-ampo kamo sa Ginoo nga kuhaon niya ang mga baki kanako ug sa akong katawhan, ug palakwon ko ang inyong katagilungsod sa paghalad ngadto sa Ginoo.”

Isaias 44:19

Wala gayod kanilay makapamalandong ug makahuna-huna aron sa pag-ingon, “Gisugnod ko ang ubang kahoy ug nagluto akog pan. Nagsugba akog karne diha sa baga niini, ug mikaon ako. Ug karon himuon ko bang usa ka ngil-ad nga butang ang nahibiling kahoy? Mosimba ba ako sa usa ka putol sa kahoy?”