Exodo 8:25 - Ang Pulong sa Dios

²⁵ Busa gipatawag dayon sa hari si Moises ug si Aaron ug giingnan, “Sige, paghalad kamo sa inyong Dios, apan diri lang sa Ehipto.”

Ang Biblia 2011

²⁵ Unya ang Paraon mipatawag kang Moises ug kang Aaron, ug miingon, “Lakaw kamo ug paghalad kamo ngadto sa inyong Dios dinhi sa yuta.”

Maayong Balita Biblia

²⁵ Unya gipatawag sa hari si Moises ug si Aaron ug giingnan niya, “Sigi, paghalad kamo ngadto sa inyong Dios apan dinhi lamang sa sulod sa Ehipto.”

Ang Bag-ong Maayong Balita Biblia

²⁵ Unya gipatawag sa hari si Moises ug si Aaron ug giingnan niya, “Sigi, paghalad kamo ngadto sa inyong Dios apan dinhi lamang sa sulod sa Ehipto.”

Exodo 8:25 Cross References

Exodo 10:16

Dali-dali nga gipatawag sa hari si Moises ug si Aaron, ug giingnan, “Nakasala ako sa Ginoo nga inyong Dios ug kaninyo.

Exodo 10:24

Gipatawag dayon sa hari si Moises ug giingnan, “Sige, simba na kamo sa Ginoo. Dad-a ang inyong mga pamilya, apan ibilin ang inyong kahayopan.”

Exodo 10:8

Busa gipabalik pag-usab si Moises ug si Aaron sa hari. Miingon ang hari kanila, “Sige, makalakaw na kamo sa pagsimba sa Ginoo nga inyong Dios. Apan sultihi ako ninyo kon kinsa ang manglakaw.”

Exodo 12:31

Niadtong gabhiona, gipatawag sa hari si Moises ug si Aaron ug giingnan, “Sige, panglakaw na kamo! Biyai na ninyo ang akong nasod. Lakaw na kamo uban sa mga Israelinhon ug pagsimba sa Ginoo, sumala sa inyong gihangyo.

Exodo 8:8

Gipatawag sa hari si Moises ug si Aaron ug giingnan, “Pag-ampo kamo sa Ginoo nga kuhaon niya ang mga baki kanako ug sa akong katawhan, ug palakwon ko ang inyong katagilungsod sa paghalad ngadto sa Ginoo.”

Exodo 9:27

Gipatawag dayon sa hari si Moises ug si Aaron. Miingon siya kanila, “Niining higayona giangkon ko nga ako nakasala. Husto ang Ginoo; ako ug ang akong katawhan mao ang sayop.

Exodo 9:28

Hangyoa ang Ginoo nga hunongon na niya kining hilabihan kakusog nga dalogdog ug ulan nga yelo. Palakwon ko na kamo. Dili na kinahanglan nga magpabilin pa kamo dinhi.”

Isaias 28:22

Busa, karon ayaw na kamo pagbugal-bugal, kay basin kon mograbe pa ang iyang silot kaninyo. Kay nadungog ko gayod mismo gikan sa Ginoong Dios nga Makagagahom nga laglagon niya ang inyong tibuok nga yuta.

Gipadayag 3:9

Apan mahitungod niadtong mga tawo nga sakop ni Satanas, nga mga bakakon ug nagpakaaron-ingnon nga mga Judio, paludhon ko sila diha sa inyong atubangan, ug masayran nila nga gihigugma ko kamo.