Exodo 6:12 - Ang Pulong sa Dios

¹² Apan miingon si Moises sa Ginoo, “Kon ang mga Israelinhon wala gani maminaw kanako, ang hari pa kaha? Labi na kay dili ako maayong manulti!”

Ang Biblia 2011

¹² Apan si Moises miingon sa Ginoo, “Ang katawhan sa Israel wala mamati kanako busa unsaon man usab sa Paraon pagpamati kanako nga ako dili man maayong manulti?”

Maayong Balita Biblia

¹² Apan miingon si Moises sa Ginoo, “Kon ang mga Israelita wala magtagad kanako, ang hari pa kaha? Dugang pa, dili ako maayong mosulti.”

Ang Bag-ong Maayong Balita Biblia

¹² Apan miingon si Moises sa Ginoo, “Kon ang mga Israelita wala magtagad kanako, ang hari pa kaha? Dugang pa, dili ako maayong mosulti.”

Exodo 6:12 Cross References

Exodo 3:11

Apan miingon si Moises sa Dios, “Si kinsa man ko nga moadto sa hari ug mopagawas sa mga Israelinhon gikan sa Ehipto?”

Exodo 3:13

Miingon si Moises sa Dios, “Pananglit moadto ako sa mga Israelinhon ug ingnon ko sila nga ang Dios sa ilang mga katigulangan nagpadala kanako sa pagluwas kanila, unya mangutana sila kanako, ‘Kinsay iyang ngalan?’ Unsa may akong itubag kanila?”

Exodo 4:1

Mitubag si Moises, “Apan basig dili motuo ang mga Israelinhon o maminaw sa akong isulti ug moingon sila nga, ‘Ang Ginoo wala magpakita kanimo.’ ”

Exodo 4:10

Miingon si Moises sa Ginoo, “Ginoo, dili ako maayong manulti sukad pa kaniadto, ug bisan karon nga nakigsulti ka kanako nga imong sulugoon. Hinay gayod ako sa panulti.”

Exodo 6:13

Apan miingon ang Ginoo kang Moises ug kang Aaron nga sultihan ang mga Israelinhon ug ang Paraon nga hari sa Ehipto nga gisugo ko kamo sa pagpagawas sa mga Israelinhon gikan sa Ehipto.

Exodo 6:30

Apan miingon si Moises sa Ginoo, “Dili ako maayong manulti, busa dili maminaw ang hari kanako.”

Exodo 6:9

Gisulti kini ni Moises sa mga Israelinhon, apan wala sila motuo kaniya kay nawad-an na silag paglaom tungod sa hilabihan nilang pag-antos ingon nga mga ulipon.

Isaias 6:5

Unya miingon ako, “Alaot ako! Sigurado gayod nga laglagon ako, tungod kay daotan ang akong mga ginapanulti ug nagpuyo ako uban sa mga tawong nagsulti usab ug daotan. Ug karon, nakita ko gayod ang Hari, ang  Ginoo nga Makagagahom.”

Jeremias 1:6

Mitubag ako, “O Ginoong Dios, dili ako maayong manulti; batan-on pa ako.”

Jeremias 6:10

Mitubag ako, “Apan kinsa may akong pasidan-an? Kinsa may maminaw kanako? Gitabonan nila ang ilang mga dalunggan aron dili sila makadungog. Ngil-ad alang kanila ang pulong sa Ginoo, busa dili sila gusto nga maminaw niini.

Jeremias 9:26

ang mga taga-Ehipto, Juda, Edom, Amon, Moab, ug ang tanan nga nagpuyo sa layong dapit. Ang tinuod, ang mga lumulupyo sa tanang mga nasod apil ang tanang katawhan sa Israel murag dili mga tinuli kay dili maayo ang ilang mga kasing-kasing.”

Mga Buhat 7:51

Ug miingon si Esteban, “Pagkagahi gayod sa inyong mga ulo! Nagpabungol-bungol lamang kamo sa mga mensahe sa Dios tungod kay dili ninyo gusto nga motuman sa iyang mga giingon kaninyo. Kanunay ninyong supakon ang Espiritu Santo. Sama gayod kamo sa inyong mga katigulangan.

Deuteronomio 30:6

Bag-ohon sa Ginoo nga inyong Dios ang inyong mga kasing-kasing ug ang mga kasing-kasing sa inyong mga kaliwat aron higugmaon ninyo siya sa tibuok ninyong kasing-kasing ug kalag, ug magkinabuhi kamo ug dugay.