Exodo 40:20 - Ang Pulong sa Dios

²⁰ Unya gisulod niya sa Sudlanan ang lagpad nga mga bato nga gisulatan sa Kasugoan, ug gisuot niya sa mga singsing sa Sudlanan ang mga pangdayong, ug gitabonan kini.

Ang Biblia 2011

²⁰ Unya gikuha niya ang pagpamatuod ug gibutang niya kini ngadto sa sulod sa sudlanan ug gibutang niya ang mga yayongan sa sudlanan. Ug gibutang niya ang tabon sa ibabaw sa sudlanan.

Maayong Balita Biblia

²⁰ Unya gikuha niya ang mga papan nga gisulatan sa Napulo ka Sugo ug gisulod sa Sudlanan sa Kasabotan. Gibalhog niya ang mga yayongan diha sa mga argulya sa Sudlanan ug gitabonan kini.

Ang Bag-ong Maayong Balita Biblia

²⁰ Unya gikuha niya ang mga papan nga gisulatan sa Napulo ka Sugo ug gisulod sa Sudlanan sa Kasabotan. Gibalhog niya ang mga yayongan diha sa mga argulya sa Sudlanan ug gitabonan kini.

Exodo 40:20 Cross References

1 Mga Hari 8:9

Walay laing sulod ang Sudlanan gawas sa duha ka lagpad nga mga bato nga gibutang ni Moises sa didto pa siya sa Horeb, diin naghimo ang Ginoo ug kasabotan sa mga Israelinhon sa dihang migawas sila gikan sa Ehipto.

1 Cronicas 15:3

Gitigom ni David ang tanang mga Israelinhon sa Jerusalem aron dad-on ang Sudlanan sa Kasabotan sa Ginoo didto sa dapit nga iyang giandam alang niini.

2 Cronicas 5:10

Walay laing sulod ang Sudlanan gawas sa duha ka lagpad nga mga bato nga gibutang ni Moises sa didto pa siya sa Horeb, diin naghimo ang Ginoo ug kasabotan sa mga Israelinhon sa dihang migawas sila gikan sa Ehipto.

Salmo 40:8

O Dios ko, ikalipay ko ang pagtuman sa imong kabubut-on. Ang imong kasugoan gitipigan ko sulod sa akong kasing-kasing.”

Exodo 16:34

Gituman kini ni Aaron sumala sa gisugo sa Ginoo kang Moises. Gibutang ni Aaron ang manna sa Sudlanan sa Kasabotan aron matipigan kini.

Exodo 26:34

Ang Sudlanan sa Kasugoan kinahanglan didto ibutang sa Labing Balaang Dapit ug kinahanglang ibutang usab ang tabon niini.

Exodo 31:18

Human makigsulti ang Ginoo kang Moises didto sa Bukid sa Sinai, gihatag niya kang Moises ang duha ka lagpad nga bato nga gisulatan niya mismo sa Kasugoan.

Exodo 40:19

Unya gibukhad niya ang Tolda, ug gisapaw ang tabon alang niini. Gihimo niya kining tanan sumala sa gisugo kaniya sa Ginoo.

Exodo 40:3

Isulod niini ang Sudlanan sa Kasugoan, ug salipdi kini sa kurtina.

Mateo 3:15

Apan miingon si Jesus kaniya, “Sige lang, tungod kay mao kini ang angay natong buhaton aron matuman ang pagbuot sa Dios.” Busa misugot si Juan ug gibautismohan niya si Jesus.

Roma 10:4

Wala sila makasabot nga ang Kasugoan natapos diha kang Cristo. Kay pinaagi sa gibuhat ni Cristo, ang matag-usa nga nagtuo kaniya mao lang ang gipakamatarong.

Roma 3:25

Gipadala siya sa Dios dinhi sa kalibotan aron ihalad ang iyang kinabuhi aron mawala ang kasuko sa Dios kanato, ug pinaagi sa iyang dugo mapasaylo kita sa atong mga sala kon motuo kita kaniya. Gibuhat kini sa Dios sa pagpakita nga siya matarong. Kay kaniadto gipalabay lang niya ang atong mga sala tungod kay mainantuson siya. Angay na unta kita nga silotan.

Deuteronomio 10:5

nanaog ako sa bukid ug gisulod ko kini sa Sudlanan nga akong gihimo, sumala sa gimando kanako sa Ginoo, ug hangtod karon atua pa kini didto.”

Mga Hebreo 4:16

Busa dili kita magpanuko sa pagduol sa trono sa grasya sa Dios, aron madawat nato ang kaluoy ug tabang sa oras sa atong panginahanglan.

Mga Hebreo 9:4

Atua didto ang bulawan nga halaran nga sunoganan sa insenso, ug ang sudlanan sa Kasabotan nga hinaklapan usab ug bulawan. Didto sa kahon nasulod ang bulawan nga tibod nga gisudlan sa manna, ug ang sungkod ni Aaron nga nanalingsing. Atua usab ang lagpad nga mga bato nga gisulatan sa kasugoan sa Dios.

1 Juan 2:2

Ang iyang kaugalingon mismo ang iyang gihalad isip bayad alang sa atong mga sala aron mapasaylo kita, ug dili lang alang kanato kondili alang usab sa mga sala sa mga tawo sa tibuok kalibotan.