Exodo 40:10 - Ang Pulong sa Dios

¹⁰ Dihogi usab ang halaran nga sunoganan sa halad nga sinunog ug ang tanang kagamitan niini sa pagdedikar niini kanako, ug mahimo kining labing sagrado.

Ang Biblia 2011

¹⁰ Dihogi ang halaran sa halad nga sunogon ug ang tanan nga kasangkapan niini ug ihalad ang halaran ug ang halaran mahimo nga labing balaan.

Maayong Balita Biblia

¹⁰ Dihogi usab ang halaran nga sunoganan sa mga halad nga mananap ug ang tanang kahimanan niini. Ihalad kini niining paagiha ug mahimo kining balaan sa hingpit.

Ang Bag-ong Maayong Balita Biblia

¹⁰ Dihogi usab ang halaran nga sunoganan sa mga halad nga mananap ug ang tanang kahimanan niini. Ihalad kini niining paagiha ug mahimo kining balaan sa hingpit.

Exodo 40:10 Cross References

Exodo 30:29

Ihalad kining mga butanga aron mahimo gayod kining sagrado; ug kinahanglan nga balaan usab ang naggunit niini.

Exodo 40:11

Dihogi usab ang palanggana ug ang iyang tungtonganan sa pagdedikar niini kanako.

Isaias 11:2

Ang Espiritu sa Ginoo magagahom kaniya nga maghatag kaniyag kaalam, pagsabot, abilidad sa pagplano, gahom, kahibalo, ug pagtahod sa Ginoo.

Isaias 61:1

Ang Espiritu sa Ginoong Dios ania kanako. Kay gipili niya ako nga mowali sa maayong balita ngadto sa mga kabos. Gipadala niya ako aron sa paglipay sa mga nagmasulob-on ug sa pagmantala ngadto sa mga binihag nga aduna na silay kagawasan.

Levitico 8:11

Giwisikan niya sa makapito ug lana ang halaran ug ang tanang kagamitan niini, apil ang palanggana ug ang tungtonganan niini. Gihimo niya kini aron idedikar kini nga mga butang ngadto sa Ginoo.

Lucas 1:35

Mitubag ang anghel, “Mokunsad kanimo ang Espiritu Santo ug ang gahom sa Labing Halangdong Dios magpabilin kanimo. Busa ang balaan nga bata nga imong ipanganak pagailhon nga Anak sa Dios.

Juan 17:19

Tungod kanila gihalad ko kanimo ang akong kaugalingon, aron mahimong imo usab sila pinaagi sa kamatuoran.

Juan 3:34

Kay si Cristo nga gipadala sa Dios dinhi sa kalibotan nagsulti kanato kon unsa ang gisulti sa Dios kaniya, tungod kay walay kinutoban ang paghatag sa Dios kaniya sa Espiritu.

1 Mga Taga-Corinto 1:30

Sa pagbuot sa Dios anaa kita kang Cristo Jesus. Si Cristo mao ang kaalam sa Dios alang kanato. Pinaagi kaniya gipakamatarong kita sa Dios, iya na kita, ug gitubos na niya kita gikan sa atong mga sala.

2 Mga Taga-Corinto 5:21

Si Cristo wala gayoy sala, apan siya mao ang gipasilotan sa Dios tungod sa atong mga sala, aron nga kon anaa kita kang Cristo, ipakamatarong kita sa Dios.

Mga Hebreo 7:26

Busa si Jesus mao gayod ang pangulong pari nga atong gikinahanglan. Balaan siya; wala siya magbuhat ug daotan ug wala gayod siyay sala. Gilain siya gikan sa mga tawo nga makasasala ug gibayaw ngadto sa kalangitan.