Exodo 36:1 - Ang Pulong sa Dios

¹ Si Bezalel, si Oholiab, ug ang uban pang gihatagan sa Ginoo ug kaalam ug abilidad sa nagkalain-laing buluhaton mao ang motrabaho sa Tolda sumala sa sugo sa Ginoo.”

Ang Biblia 2011

¹ “Si Besalel ug si Oholiab ug ang tanang tawo nga may katakos nga gihatagan sa Ginoo ug katakos ug kaalam aron mahibalo sa pagbuhat sa bisan unsang buhat sa pagtukod sa balaang puluy-anan, kinahanglang magbuhat sumala sa tanan nga gisugo sa Ginoo.”

Maayong Balita Biblia

¹ “Si Besalel, si Oholiab ug ang tanang batid nga mga tawo nga gihatagan sa Ginoo ug abilidad ug kaalam sa paghimo sa tanan nga gikinahanglan aron paghimo sa balaang Tolda, kinahanglan maghimo niining tanan sumala sa gisugo sa Ginoo.”

Ang Bag-ong Maayong Balita Biblia

¹ “Si Besalel, si Oholiab ug ang tanang batid nga mga tawo nga gihatagan sa Ginoo ug abilidad ug kaalam sa paghimo sa tanan nga gikinahanglan aron paghimo sa balaang Tolda, kinahanglan maghimo niining tanan sumala sa gisugo sa Ginoo.”

Exodo 36:1 Cross References

1 Mga Hari 7:14

kay usa siya ka hanas mopanday ug bronsi. Anak siya sa usa ka balo gikan sa tribo ni Neftali, ug ang iyang amahan taga-Tiro, nga usa usab ka hanas mopanday ug bronsi. Miadto siya kang Haring Solomon ug gihimo niya ang tanang gipahimo kaniya.

1 Cronicas 2:20

Si Hur amahan ni Uri, ug si Uri amahan ni Bezalel.

1 Cronicas 28:21

Andam na ang grupo sa mga pari ug mga Levita alang sa tanang buluhaton sa Templo sa Dios. Ug andam na usab ang mga tawo nga adunay mga abilidad sa nagkalain-laing mga trabaho sa pagtabang kanimo. Ang mga opisyal ug ang tanang katawhan andam sa pagtuman sa imong mando.”

Salmo 119:6

Kon tumanon ko ang tanan mong mga sugo, dili ako maulawan.

Exodo 12:28

Ug gihimo nila ang gisugo sa Ginoo kang Moises ug kang Aaron.

Exodo 25:8

“Ug pahimoa ang katawhan sa Israel ug balaang puloy-anan alang kanako, diin ako magpuyo uban kanila.

Exodo 28:3

Ingna ang tanang maayong mga mananahi, nga gihatagan ko ug abilidad sa pagpanahi, nga tahian nilag mga bisti si Aaron sa pagdedikar kaniya aron mag-alagad kanako ingon nga pari.

Exodo 31:11

ang lana nga pangdihog, ug ang humot nga insenso alang sa Balaang Dapit. “Himuon nila kining tanan sumala sa gisugo ko kanimo.”

Exodo 36:2

Busa gipatawag ni Moises si Bezalel, si Oholiab, ug ang uban pang gihatagan sa Ginoo ug kaalam ug abilidad sa nagkalain-laing buluhaton, ug buot gayod nga motabang sa pagtrabaho.

Exodo 38:23

Ang iyang katabang mao si Oholiab nga anak ni Ahisamac, nga gikan sa tribo ni Dan. Maayo kaayo siyang motrabaho ug modesenyo, ug moborda sa lino ug sa hilo nga kolor ube, asul, ug pula.

Exodo 39:1

Nagtahi usab sila si Bezalel ug sagrado nga mga bisti alang sa mga pari sumala sa gisugo sa Ginoo kang Moises. Ang panapton nga ilang gigamit hilo nga kolor ube, asul, ug pula. Mao usab kini nga panapton ang gigamit nila sa pagtahi sa bisti alang kang Aaron samtang mag-alagad siya sa Balaang Dapit.

Numeros 7:9

Apan wala hatagi ni Moises ug karomata o baka ang mga kaliwat ni Kohat kay kinahanglang pas-anon lang gayod nila ang balaan nga mga butang sa Tolda.

Mateo 28:20

Tudloi ninyo sila sa pagtuman sa tanan nga akong gisugo kaninyo. Hinumdomi ninyo nga kauban ninyo ako kanunay hangtod sa kataposan sa kalibotan.”

Lucas 1:6

Silang duha nagkinabuhi nga matarong atubangan sa Dios. Gituman gayod nila ang tanang mga sugo ug balaod sa Ginoo.

Mga Hebreo 8:2

Nag-alagad siya isip pangulong pari didto sa Labing Balaan gayod nga Lugar. Dili tawo ang nagbuhat niana nga lugar kondili ang Ginoo gayod. Ang kada pangulong pari ginapili nga maghalad ngadto sa Dios ug mga halad nga mananap ug uban pa nga mga halad. Busa ang atong pangulong pari kinahanglan nga aduna usab siyay ihalad.