Exodo 32:6 - Ang Pulong sa Dios

⁶ Busa pagkabuntag, sayong mibangon ang mga tawo ug naghalad ug mga halad nga sinunog ug halad alang sa maayong relasyon. Unya nangaon sila ug nag-inom ug nagpatuyang sa paghudyaka.

Ang Biblia 2011

⁶ Ug misayo sila pagmata sa pagkasunod adlaw ug naghalad ug mga halad nga sunogon ug nagdala sila ug mga halad sa pakigdait. Ug nanglingkod ang katawhan aron sa pagkaon ug sa pag-inom ug nanindog sila aron sa pagdula.

Maayong Balita Biblia

⁶ Sayo sa pagkasunod buntag naghalad silag mga mananap nga gisunog ug naghalad silag mga mananap alang sa halad sa pakigdait. Nanglingkod ang katawhan, nag-inom ug nangaon ug unya nagpatuyang sila sa kahilayan.

Ang Bag-ong Maayong Balita Biblia

⁶ Sayo sa pagkasunod buntag naghalad silag mga mananap nga gisunog ug naghalad silag mga mananap alang sa halad sa pakigdait. Nanglingkod ang katawhan, nag-inom ug nangaon ug unya nagpatuyang sila sa kahilayan.

Exodo 32:6 Cross References

Exodo 32:5

Pagkakita ni Aaron nga nalipay pag-ayo ang mga tawo niini, nagpahimo siyag halaran diha atubangan sa baka ug nagpahibalo, “Ugma magsaulog kitag pista alang sa Ginoo.”

Amos 2:8

Manghigda sila tapad sa matag halaran sinul-ob ang bisti nga gigarantiya kanila sa mga kabos. Ug nag-inom sila diha sa balay sa ilang dios sa bino nga pinalit gikan sa multa nga gibayad sa mga kabos nga nakautang kanila.

Amos 8:10

Himuon kong pagbangotan ang inyong kasadya sa pista, ug himuon kong pagminatay ang inyong panag-awit. Pabistihon ko kamo ug sako ug paupawan ko kamo, timailhan sa inyong pagsubo. Himuon ko kining daw adlaw diin nagbangotan kamo alang sa inyong bugtong anak nga lalaki, ug mahuman kini nga daw usa ka adlaw nga hilabihan ka pait.”

Numeros 25:2

Kining mga babayhana midapit kanila sa pag-apil paghalad ngadto sa ilang mga dios, ug mikaon sila sa mga halad ug misimba niini nga mga dios.

1 Mga Taga-Corinto 10:7

Ayaw kamo pagsunod sa gihimo sa uban kanila nga nagsimba sa mga dios-dios. Kay sumala sa Kasulatan, “Ang mga tawo nanagkombira, nanag-inom, ug nanagsayaw sa ilang pagsimba sa dios-dios.”

Gipadayag 11:10

Malipay gayod ang mga tawo sa kalibotan tungod kay patay na kadtong duha ka saksi. Magsaulog sila ug maghinatagay ug gasa tungod kay patay na ang duha ka propeta sa Dios nga nagdalag daghan nga kasakit sa mga tawo sa kalibotan.