Exodo 30:34 - Ang Pulong sa Dios

³⁴ Miingon ang Ginoo kang Moises, “Pagkuha ug pareho kadaghanon niining humot nga mga lamas: estakte, onix, galbanom, ug purong kamangyan.

Ang Biblia 2011

³⁴ Unya ang Ginoo miingon kang Moises, “Pagkuha ug mga humot nga panakot, stakti, onika ug galbanum, mga humot nga panakot uban sa lunsay nga insenso. Ang matag usa kinahanglang sama ug timbang.

Maayong Balita Biblia

³⁴ Ang Ginoo miingon kang Moises, “Pagdala ug samang gidaghanon niining mosunod nga mga pahumot: sakti, onika, galbanum ug lunsayng insenso.

Ang Bag-ong Maayong Balita Biblia

³⁴ Ang Ginoo miingon kang Moises, “Pagdala ug samang gidaghanon niining mosunod nga mga pahumot: sakti, onika, galbanum ug lunsayng insenso.

Exodo 30:34 Cross References

Nehemias 13:5

mitugot kang Tobia sa paggamit sa dakong kuwarto sa Templo. Kining kuwartoha gigamit kaniadto nga bodega alang sa mga halad sa pagpasidungog, insenso, mga kagamitan sa Templo, mga halad alang sa mga pari, mga ikapulo sa mga trigo, bino ug lana, nga sumala sa Kasugoan alang sa mga Levita, sa mga mag-aawit, ug sa mga tigbalantay sa Templo.

Exodo 25:6

lana sa olibo alang sa suga, mga lamas alang sa lana nga pangdihog ug alang sa humot nga insenso,

Exodo 30:23

“Pagkuha niining labing maayong mga lamas: unom ka kilo nga mira, tulo ka kilo nga humot nga cinamon, tulo ka kilo nga humot nga calamus,

Exodo 30:33

Si bisan kinsa nga maghimog sama niini o mogamit niini kang bisan kinsa nga dili pari, dili na ninyo isipon nga usa sa inyong katawhan.”

Exodo 30:35

Gamita kini sa paghimo ug humot kaayo nga insenso. Unya asini kini aron mahimo kining lunsay ug sagrado.

Exodo 30:7

“Kada buntag, inig-atiman ni Aaron sa mga suga, magsunog siya ug humot nga insenso diha sa maong halaran.

Exodo 31:11

ang lana nga pangdihog, ug ang humot nga insenso alang sa Balaang Dapit. “Himuon nila kining tanan sumala sa gisugo ko kanimo.”

Exodo 35:15

ang halaran nga sunoganan sa insenso ug ang mga pangdayong niini; ang lana nga pangdihog; ang humot nga insenso; ang kurtina sa pultahan sa Tolda nga Pagsimbahan;

Exodo 37:29

Naghimo usab siyag balaang lana nga pangdihog ug purong insenso nga humot kaayo.

Awit sa mga Awit 3:6

Kinsa kining gikan sa kamingawan nga murag bagang aso nga inubanan sa kahumot sa mga mira ug insenso, mga pahumot nga ginabaligya sa negosyante?

Isaias 43:23

Wala ka mohalad kanakog mga karnero ingon nga halad nga sinunog. Wala mo ako pasidunggi sa imong mga halad nga wala ko man unta ikaw lisod-lisora ug hasola pinaagi sa pagpangayo kanimog mga halad sa pagpasidungog ug mga insenso.

Levitico 16:12

Unya magkuha siyag butanganan sa insenso ug pun-on niya kini ug baga nga gikan sa halaran nga anaa sa presensya sa Ginoo. Ug magkuha usab siya ug duha ka kumkom sa humot ug pino nga insenso, ug dad-on niya kini sa Labing Balaang Dapit.

Levitico 2:1

“ ‘Kon adunay maghalad ug halad sa pagpasidungog sa Ginoo, gamiton niya ang pinakamaayo nga klasi sa harina, ug butangan niya kinig mantika ug insenso.

Levitico 2:15

Butangan ninyo kini ug mantika ug insenso. Halad kini sa pagpasidungog.

Levitico 24:7

Unya butangi ninyog purong insenso sa tapad sa kada tapok. Ang insenso mao ang magsilbing halad sa paghinumdom sa Ginoo. Sunogon kini ingon nga halad pinaagi sa kalayo baylo sa mga pan.

Levitico 5:11

“ ‘Apan kon dili pa gayod siya makahimo paghalad ug duha ka salampati o duha ka tukmo, maghalad na lang siya ug usa ka kilo nga maayong klasi sa harina. Kinahanglan nga dili niya kini butangan ug mantika ug insenso kay halad kini sa paghinlo, ug dili halad sa pagpasidungog sa Ginoo.

Numeros 4:16

“Si Eleazar nga anak sa pari nga si Aaron mao ang responsable sa lana alang sa lamparahan, sa insenso, sa inadlaw-adlaw nga halad sa pagpasidungog kanako, ug sa lana nga pangdihog. Siya ang magdumala sa kinatibuk-an sa Tolda ug sa mga kagamitan niini.”

Numeros 7:14

usa ka bulawan nga plato nga adunay gibug-aton nga 120 ka gramo nga puno ug insenso;

Mateo 2:11

Unya nakaplagan nila ang balay. Pagsulod nila sa balay, nakita nila ang bata uban ang inahan niini nga si Maria. Nangluhod sila ug misimba sa bata. Giablihan nila ang ilang bililhon nga mga gasa nga bulawan, insenso, ug mira ug gihalad ngadto sa bata.