Exodo 3:21 - Ang Pulong sa Dios

²¹ “Ug himuon ko nga maayo kaninyo ang mga Ehiptohanon, aron iniglakaw na ninyo pabalonan pa nila kamo.

Ang Biblia 2011

²¹ Ug ako maghimo niining katawhan nga kahimut-an sa mga mata sa mga Ehiptohanon, ug sa paglakaw ninyo, dili kamo molakaw nga walay mga dala.

Maayong Balita Biblia

²¹ “Himoon ko nga tahoron kamo sa mga Ehiptohanon aron inigbiya ninyo, dili kamo manglakaw nga walay dala.

Ang Bag-ong Maayong Balita Biblia

²¹ “Himoon ko nga tahoron kamo sa mga Ehiptohanon aron inigbiya ninyo, dili kamo manglakaw nga walay dala.

Exodo 3:21 Cross References

Genesis 15:14

Apan silotan ko ang nasod nga moulipon kanila. Ug unya mobiya ang imong mga kaliwat gikan didto dala ang daghang kabtangan.

Genesis 39:21

nag-uban gihapon ang Ginoo kang Jose. Ug tungod sa kaayo sa Ginoo, gikahimut-an sa tigdumala sa prisohan si Jose.

1 Mga Hari 8:50

Pasayloa sila sa ilang mga sala ug mga kalapasan kanimo, ug tugoti nga maluoy kanila ang nagbihag kanila.

Nehemias 1:11

Ginoo, pamatia ang pag-ampo ko nga imong alagad, ug ang pag-ampo sa uban pa nimong mga alagad nga gikalipay ang pagtahod kanimo. Hatagi akog kalamposan karon sa akong paghangyo sa hari. Ug hinaut pa nga pakitaan niya akog kaayo.” Niadtong panahona, ako ang tigsilbi ug bino sa hari.

Salmo 105:37

Unya gipagawas niya ang mga Israelinhon gikan sa Ehipto nga wala maunsa, ug aduna pay dala nga mga pilak ug mga bulawan.

Salmo 106:46

Ug pagbuot niya nga kaloy-an sila sa mga mibihag kanila.

Exodo 11:2

Ingna ang mga Israelinhon, lalaki ug babaye, nga mangayo sila sa ilang mga silingan nga Ehiptohanon ug mga alahas nga plata ug bulawan.”

Exodo 11:3

(Gitugotan sa Ginoo nga mahimong maayo ang mga Ehiptohanon ngadto sa mga Israelinhon. Ug gitahod pag-ayo si Moises sa mga opisyal sa hari ug sa mga lumulupyo sa Ehipto.)

Exodo 12:35

Gihimo sa mga Israelinhon ang giingon kanila ni Moises nga mangayo sa mga Ehiptohanon ug mga alahas nga plata ug bulawan, ug mga bisti.

Exodo 12:36

Gibut-an sa Ginoo nga mahimong maayo ang mga Ehiptohanon ngadto sa mga Israelinhon, busa gihatag sa mga Ehiptohanon ang ilang gipangayo. Niining paagiha, gikuhaan nila ug mga kabtangan ang mga Ehiptohanon.

Mga Panultihon 16:7

Kon nalipay ang  Ginoo sa atong paggawi, maghimo siyag paagi nga makighigala kanato ang atong mga kaaway.

Mga Buhat 7:10

gitabangan niya siya sa tanang mga pag-antos nga iyang giagian. Gihatagan usab siya sa Dios ug kaalam, busa nagustohan siya sa Paraon, ang hari sa Ehipto. Ang hari naghimo kaniyang pangulo sa tibuok Ehipto ug sinaligan sa tanan niyang kabtangan.

Deuteronomio 15:13

Ug kon hatagan mo na siya ug kagawasan, ayaw siya palakwa nga walay dala.