Exodo 28:9 - Ang Pulong sa Dios

⁹ “Unya pagkuha ug duha ka bato nga onix ug pakuliti kini sa mga ngalan sa mga anak nga lalaki ni Jacob.

Ang Biblia 2011

⁹ Kinahanglan nga magkuha ka ug duha ka bato nga onyx ug ikulit diha niini ang mga ngalan sa mga anak nga lalaki ni Israel.

Maayong Balita Biblia

⁹ Unya pagkuhag duha ka bato nga kornalina ug kuliti kini sa mga ngalan sa mga anak ni Jacob.

Ang Bag-ong Maayong Balita Biblia

⁹ Unya pagkuhag duha ka bato nga kornalina ug kuliti kini sa mga ngalan sa mga anak ni Jacob.

Exodo 28:9 Cross References

Genesis 2:12

Maayong klasi ang bulawan niadtong dapita ug adunay usa ka pahumot nga bediliyum ug mahalon nga bato.

1 Cronicas 29:2

Gihimo ko ang tanan kong mahimo sa pag-andam sa mga materyales alang sa Templo sa akong Dios, daghan nga bulawan, plata, bronsi, puthaw, kahoy, mahalong bato nga onix, emerald, mga bato nga nagkalain-lain ang kolor, ug uban pa nga matahom nga mga bato, ug daghan usab nga marmol.

2 Cronicas 2:7

“Busa padad-i akog tawo nga hanas mohimo ug mga butang nga gikan sa bulawan, plata, bronsi, ug puthaw, ug hanas sa paghimog panapton nga kolor ube, pula ug asul, ug hanas sa pagkulit. Motrabaho siya uban sa akong mga hanas nga trabahante nga taga-Juda ug taga-Jerusalem, nga gipili nang daan sa akong amahan nga si David.

Job 28:16

Dili matupngan ang bili niini sa purong bulawan sa Ofir o sa mahalong mga bato nga onix ug sapiro.

Exodo 25:7

ug bato nga onix ug uban pang mahalong mga bato nga gamiton sa efod ug sa mga bulsa-bulsa sa sapaw sa dughan.

Exodo 28:10

Kinahanglan pasunod ang pagkakulit sa mga ngalan gikan sa kamagulangan hangtod sa kamanghoran. Unom ka ngalan ang ikulit sa kada bato.

Exodo 28:20

ug sa ikaupat nga laray, krisolito, onix, ug jasper. Ibutang kini nga mga bato diha sa mga bayanan nga bulawan.

Exodo 28:36

“Pagpahimo ug medalyon nga purong bulawan, ug ikulit sama sa paghimog silyo, kini nga mga pulong: Gilain alang sa Ginoo.

Exodo 28:8

Ang bakos niini lino usab nga binordahan ug tanod nga bulawan ug hilo nga kolor ube, asul, ug pula.

Exodo 31:5

sa pagkorti sa mahalong mga bato aron himuong bato sa mga alahas, sa pagkulit sa kahoy, ug sa tanang inantigo nga mga buluhaton.

Exodo 39:13

ug sa ikaupat nga laray, krisolito, onix, ug jasper. Gibutang nila kini sa mga bayanan nga bulawan.

Exodo 39:6

Gitaod nila ang mga bato nga onix sa bayanan nga bulawan. Gikulitan nila kinig mga ngalan sa mga anak nga lalaki ni Jacob sama sa pagkulit ug silyo.

Awit sa mga Awit 8:6

Tipigan mo ako kanunay diha sa imong kasing-kasing sama sa singsing nga anaa kanunay sa imong tudlo. Ipakita nga ako lamang gayod ang imong gihigugma. Ug sama nga ang lubnganan dili mapugngan sa pagdawat sa mga patay, dili usab mapugngan ang kainit sa pagbati.

Isaias 49:16

O Jerusalem, dili ko gayod ikaw kalimtan. Gisulat ko ang imong ngalan sa akong mga palad. Gihuna-huna ko kanunay nga pabarogon ko pag-usab ang imong mga paril.

Ezequiel 28:13

Didto ka kaniadto sa Eden, sa hardin sa Dios. Gidekorasyonan ka sa nagkalain-laing matang sa mga mahalong bato: rubi, topas, emerald, krisolito, onix, haspe, sapiro, turquiso, ug beril. Gidekorasyonan ka usab ug bulawan nga giandam nang daan alang kanimo sa adlaw nga ikaw gilalang.

Zacarias 9:16

Nianang adlawa luwason sila sa Ginoo nga ilang Dios isip iyang mga karnero. Pagkaanindot ug pagkatahom nilang sud-ongon diha sa ilang yuta. Sama sila sa mahalong mga bato nga naggilak-gilak diha sa korona. Ang ilang madagayaong abot makahatag ug kusog sa ilang mga pamatan-on.