Exodo 22:8 - Ang Pulong sa Dios

⁸ Apan kon dili madakpan ang kawatan, ang gibilinan dad-on sa presensya sa Dios, aron mahibaloan kon siya ba ang nagkuha niini o dili.

Ang Biblia 2011

⁸ Kon ang kawatan dili masakpan, ang tag-iya sa balay kinahanglang moduol ngadto sa Dios aron sa pagpakita kon nanghilabot ba siya o wala sa bahandi sa iyang isigkatawo.

Maayong Balita Biblia

⁸ Apan kon dili madakpan ang kawatan, ang tag-iya sa balay dad-on sa atubangan sa halaran sa Dios ug didto kinahanglan manumpa siya nga wala siya mangawat sa kabtangan sa iyang isigkatawo.

Ang Bag-ong Maayong Balita Biblia

⁸ Apan kon dili madakpan ang kawatan, ang tag-iya sa balay dad-on sa atubangan sa halaran sa Dios ug didto kinahanglan manumpa siya nga wala siya mangawat sa kabtangan sa iyang isigkatawo.

Exodo 22:8 Cross References

1 Mga Hari 8:31

“Kon ang usa ka tawo giakusaran nga nakasala sa iyang isigka-tawo ug papanumpaon, ug unya moanhi siya sa imong halaran niini nga Templo sa pagpanumpa nga inosente siya,

1 Cronicas 23:4

Miingon si David, “Ang 24,000 kanila magdumala sa mga buluhaton sa Templo sa Ginoo, ang 6,000 mag-alagad isip mga opisyal ug mga maghuhukom,

Salmo 82:1

Gipangulohan sa Dios ang panagtigom sa mga pangulo; ug gihukman niya sila.

Exodo 21:6

dad-on siya sa iyang agalon sa presensya sa Dios. Ug didto sa pultahan tusokan sa iyang agalon ang iyang dalunggan nga nakapaod sa pultahan, ug mahimo na siyang ulipon sa iyang agalon hangtod sa hangtod.

Exodo 22:28

“Ayaw ninyo pasipalahi ang Dios ug ayaw ninyo panghimaraota ang inyong pangulo.

Exodo 22:9

“Pananglit, adunay duha ka tawo nga maglalis kon kinsa kanila ang tag-iya sa usa ka butang sama sa baka, asno, karnero, bisti, o bisan unsa nga butang, kinahanglan dad-on nila ang ilang kaso atubangan sa Dios. Ang tawo nga hukman sa Dios nga sad-an, magbayad ug doble sa tinuod nga tag-iya niini.

Deuteronomio 16:18

“Pagbutang kamo ug mga maghuhukom ug uban pang opisyales sa matag tribo ninyo sa tanang lungsod nga gihatag kaninyo sa Ginoo nga inyong Dios. Kini sila maghukom sa katawhan nga walay pinalabi.