Exodo 21:26 - Ang Pulong sa Dios

²⁶ “Kon gisumbag sa agalon ang mata sa iyang ulipon, lalaki man o babaye, unya nabuta kini, hatagan niya ug kagawasan ang ulipon ingon nga bayad sa iyang pagkabuta.

Ang Biblia 2011

²⁶ “Kon ang usa ka tawo makaigo sa mata sa iyang ulipon nga lalaki o babaye, ug mabuta kini, kinahanglan nga pagawason niya kini tungod sa iyang mata.

Maayong Balita Biblia

²⁶ “Kon ang usa ka tawo makasumbag sa iyang ulipong lalaki o babaye diha sa mata ug mabuta ang ulipon, kinahanglan nga buhian niya ang maong ulipon ingon nga bayad sa iyang mata.

Ang Bag-ong Maayong Balita Biblia

²⁶ “Kon ang usa ka tawo makasumbag sa iyang ulipong lalaki o babaye diha sa mata ug mabuta ang ulipon, kinahanglan nga buhian niya ang maong ulipon ingon nga bayad sa iyang mata.

Exodo 21:26 Cross References

Nehemias 5:5

Bisan kami ug ang among mga anak sama nilang mga Judio, kinahanglan nga ipaulipon namo kanila ang among mga anak aron makakuwarta kami. Ang tinuod, ang uban namong mga anak nga babaye gibaligya na namo isip mga ulipon. Apan wala kamiy mahimo tungod kay ang among mga uma ug tamnanan sa ubas gipanag-iyahan na sa uban.”

Salmo 10:14

Apan nakita mo ang nag-antos ug ang mga anaa sa kaguol, ug andam ikaw sa pagtabang kanila. Nagdangop kanimo ang mga makaluluoy sama sa mga ilo, ug ginatabangan mo sila.

Salmo 10:18

Hatagi ug katarungan ang mga ilo ug mga dinaog-daog, aron dili na sila hulgaon sa tawo nga gikan ra man sa yuta.

Salmo 9:12

Gipanimaslan niya ang mga nangdaog-daog; nagpakabana siya sa pagpangayo ug tabang sa mga dinaog-daog.

Exodo 21:20

“Kon gibunalan sa usa ka tawo ang iyang ulipon, lalaki man o babaye, hinungdan sa pagkamatay niini, kinahanglan silotan siya.

Exodo 21:24

Kon nabuta, butahan usab siya. Kon napangag, pangagan usab siya. Kon nabali ang kamot o tiil, balian usab siya sa iyang kamot o tiil.

Exodo 21:25

Kon napaso, pasoan usab siya. Kon nasamad, samaran usab siya. Ug kon nabun-og, bun-ogon usab siya.

Exodo 21:27

Kon natangtang ang ngipon sa iyang ulipon, lalaki man o babaye, hatagan usab niya ug kagawasan ang ulipon ingon nga bayad sa ngipon nga natangtang.

Mga Taga-Efeso 6:9

Ug kamong mga agalon, sa sama nga pamaagi ayoha ninyo pagdala ang inyong mga ulipon. Ayaw ninyo sila hulgaa, kay nasayod kamo nga kamo ug ang inyong mga ulipon adunay usa lang ka agalon sa langit ug wala siyay pinalabi.

Deuteronomio 16:19

Kinahanglan nga dili nila tuison ang hustisya ug kinahanglan nga wala silay paboran sa ilang paghukom. Kinahanglan dili sila modawat ug suborno kay ang suborno makapabuta sa maalamon ug sa matarong, ug makaimpluwensya sa ilang paghukom.

Mga Taga-Colosas 4:1

Kamong mga agalon, ayoha ninyo pagdumala ang inyong mga ulipon. Hinumdomi ninyo nga aduna usab kamoy agalon sa langit.