Exodo 20:8 - Ang Pulong sa Dios

⁸ Hinumdomi ninyo ang Adlaw nga Igpapahulay, ug himoa ninyo kini nga pinasahi nga adlaw alang kanako.

Ang Biblia 2011

⁸ “Hinumdomi ang adlaw nga igpapahulay aron sa pagbalaan niini.

Maayong Balita Biblia

⁸ “Hinumdomi ang Adlaw nga Igpapahulay ug ilha kini nga balaan.

Ang Bag-ong Maayong Balita Biblia

⁸ “Hinumdomi ang Adlaw nga Igpapahulay ug ilha kini nga balaan.

Exodo 20:8 Cross References

Genesis 2:2

Nahuman niya kini sulod sa unom ka adlaw, ug mipahulay siya sa ikapito nga adlaw.

Genesis 2:3

Gipanalanginan niya ang ikapito nga adlaw ug iya kining gibalaan nga adlaw, tungod kay niining adlawa mipahulay siya human niya gimugna ang tanan.

Nehemias 13:15

Niadtong higayona, aduna akoy nakita nga mga taga-Juda nga gapuga ug ubas sa Adlaw nga Igpapahulay. Ang uban kanila nagkarga ug mga trigo, bino, ubas, igos, ug uban pang mga butang, diha sa ilang mga asno aron dad-on sa Jerusalem ug ibaligya. Busa gipahimangnoan ko sila nga dili sila magbaligya sa ilang mga produkto sa Adlaw nga Igpapahulay.

Nehemias 9:14

Gitudloan mo sila bahin sa ilang himuon sa Adlaw nga Igpapahulay. Ug gisugo mo sila pinaagi sa imong alagad nga si Moises nga tumanon nila ang imong mga sugo, mga tulomanon, ug mga lagda.

Exodo 23:12

“Pagtrabaho kamo sulod sa unom ka adlaw, apan sa ikapitong adlaw mopahulay kamo, aron makapahulay usab ang inyong mga baka ug mga asno, lakip ang inyong mga ulipon ug ang mga langyaw nga nagpuyo uban kaninyo.

Exodo 31:12

Unya miingon ang Ginoo kang Moises

Exodo 35:1

Gitigom ni Moises ang tibuok katilingban sa Israel ug giingnan, “Mao kini ang gisugo sa Ginoo nga inyong himuon:

Isaias 56:2

Bulahan ang tawo nga naghimo ug nagtuman niini ug wala magpasipala sa Adlaw nga Igpapahulay. Ug bulahan usab ang tawo nga wala maghimog daotan.”

Isaias 58:13

“Tumana ninyo ang akong mga gipahimo sa Adlaw nga Igpapahulay. Ayaw ninyo buhata ang mga butang nga alang lang sa inyong kaugalingon nga kalipay nianang pinasahi nga adlaw. Ikalipay ninyo ang Adlaw nga Igpapahulay, ug pasidunggi ninyo kini pinaagi sa dili pagpatuyang sa inyong gusto ug kalipay, ug dili pagsultig mga walay pulos.

Jeremias 17:21

Kini ang giingon sa Ginoo: Pagmatngon kamo kon adunay bili kaninyo ang inyong kinabuhi. Ayaw kamo pagtrabaho o pagdala sa inyong mga baligya sa ganghaan sa Jerusalem panahon sa Adlaw nga Igpapahulay.

Jeremias 17:22

Oo, ayaw gayod kamo pagtrabaho o pagdalag mga butang gikan sa inyong mga balay niining adlawa. Igahin ninyo kini alang kanako sama sa gimando ko sa inyong mga katigulangan.

Jeremias 17:24

Apan kon motuman lang kamo kanako, nga dili motrabaho o modala sa inyong mga baligya diha sa mga ganghaan sa Jerusalem sa Adlaw nga Igpapahulay, ug igahin ninyo kining adlawa alang kanako,

Ezequiel 20:20

Pakabalaana ninyo ang Adlaw nga Igpapahulay kay kini ilhanan sa atong kasabotan, ug kini magpahinumdom kaninyo nga ako mao ang  Ginoo nga inyong Dios.’

Levitico 19:3

“ ‘Tahora ninyo ang inyong inahan ug amahan, ug tumana ninyo ang akong mga gipahimo kaninyo sa Adlaw nga Igpapahulay. Ako mao ang Ginoo nga inyong Dios.

Levitico 19:30

“ ‘Tumana ninyo ang akong mga gipahimo kaninyo sa Adlaw nga Igpapahulay, ug tahora ninyo ang dapit diin kamo nagsimba kanako. Ako mao ang Ginoo.

Levitico 23:3

“ ‘Adunay unom kamo ka adlaw sa pagtrabaho, apan sa ikapito nga adlaw mopahulay kamo kay mao kana ang Adlaw nga Igpapahulay. Ayaw kamo pagtrabaho nianang adlawa, kondili pagtigom kamo aron sa pagsimba, kay adlaw kana nga pasidunggan ninyo ang Ginoo.

Levitico 26:2

“ ‘Tumana ninyo ang akong mga gipahimo kaninyo sa Adlaw nga Igpapahulay ug tahora ninyo ang akong balaang puloy-anan. Ako mao ang Ginoo.

Numeros 15:32

Samtang didto sa kamingawan ang mga Israelinhon, aduna silay nakitang tawo nga nangahoy sa Adlaw nga Igpapahulay.

Deuteronomio 5:12

Tumana ninyo ang akong mga gipahimo kaninyo sa Adlaw nga Igpapahulay, ug himoa ninyo kini nga pinasahi nga adlaw alang kanako, ang Ginoo nga inyong Dios, sumala sa gimando ko kaninyo.