Exodo 20:1 - Ang Pulong sa Dios

¹ Unya miingon ang Dios:

Ang Biblia 2011

¹ Unya ang Dios misulti niining tanang mga pulong, nga nag-ingon,

Maayong Balita Biblia

¹ Ang Dios misulti ug mao kini ang iyang giingon:

Ang Bag-ong Maayong Balita Biblia

¹ Ang Dios misulti ug mao kini ang iyang giingon:

Exodo 20:1 Cross References

Nehemias 9:13

“Nanaog ka sa Bukid sa Sinai gikan sa langit ug nakigsulti ka kanila. Gihatagan mo silag husto nga mga lagda ug mga patakaran ug maayo nga mga tulomanon ug mga sugo.

Exodo 19:25

Busa milugsong si Moises ug giingnan ang mga tawo sa giingon sa Ginoo.

Exodo 20:2

“Ako ang Ginoo nga inyong Dios nga nagpagawas kaninyo gikan sa Ehipto diin kamo giulipon.

Mga Buhat 7:38

Samtang didto ang atong mga katigulangan sa kamingawan, si Moises usab ang tigpataliwala tali sa mga tawo ug sa anghel nga nakigsulti kaniya didto sa Bukid sa Sinai; ug didto siya midawat sa pulong sa Dios nga naghatag sa kinabuhi aron ihatag usab kanato.

Mga Buhat 7:53

Kamo ang midawat sa kasugoan nga gihatag sa mga anghel, apan wala ninyo kini tumana.”

Deuteronomio 10:4

Gisulat sa Ginoo niining lagpad nga mga bato ang iyang gisulat kaniadto, ang Napulo ka Sugo nga gihatag niya kaninyo sa dihang misulti siya gikan sa taliwala sa kalayo didto sa bukid niadtong adlaw nga nagtigom kamo. Sa dihang nahatag na kini sa Ginoo kanako,

Deuteronomio 4:33

Aduna bay laing katawhan nga sama kaninyo nga nakabati sa tingog sa Dios gikan sa kalayo nga nagpabiling buhi?

Deuteronomio 4:36

Gipadungog niya kamo sa iyang tingog gikan sa langit aron pagdisiplina kaninyo. Gipakita niya kaninyo ang iyang gamhanang kalayo dinhi sa yuta aron makapakigsulti siya kaninyo gikan sa taliwala niining kalayo.

Deuteronomio 5:22

“Mao kana ang mga sugo sa Ginoo kaninyong tanan nga nanagtigom didto sa bukid. Sa dihang nagsulti siya sa makusog nga tingog gikan sa taliwala sa kalayo nga nalibotan sa bagang panganod, gihatag niya kini nga mga sugo ug wala na niya dugangi. Gisulat niya kini sa duha ka lagpad nga bato ug gihatag kanako.

Deuteronomio 5:4

Didto sa bukid nakigsulti ang Ginoo kaninyo taliwala sa kalayo nga daw nag-atubangay lang kamo.

Deuteronomio 5:6

“ ‘Ako ang Ginoo nga inyong Dios nga nagpagawas kaninyo gikan sa Ehipto diin kamo giulipon.