Exodo 18:10 - Ang Pulong sa Dios

¹⁰ Miingon si Jetro, “Dalaygon ang Ginoo nga nagluwas kaninyo gikan sa kamot sa mga Ehiptohanon ug sa ilang hari.

Ang Biblia 2011

¹⁰ Ug si Jetro miingon, “Bulahan ang Ginoo, nga nagluwas kaninyo gikan sa kamot sa mga Ehiptohanon ug gikan sa kamot sa Paraon.

Maayong Balita Biblia

¹⁰ Miingon siya, “Dalaygon ang Ginoo nga nagluwas kaninyo gikan sa mga Ehiptohanon ug gikan sa hari sa Ehipto.

Ang Bag-ong Maayong Balita Biblia

¹⁰ Miingon siya, “Dalaygon ang Ginoo nga nagluwas kaninyo gikan sa mga Ehiptohanon ug gikan sa hari sa Ehipto.

Exodo 18:10 Cross References

Genesis 14:20

Dalaygon ang Labing Halangdong Dios nga naghatag kanimo ug kadaogan batok sa imong mga kaaway!” Unya gihatagan ni Abram si Melquisedek sa ikapulo nga bahin sa tanan nga iyang nakuha sa gubat.

Genesis 24:27

Miingon siya, “Dalaygon ang Ginoo, nga Dios sa akong agalon nga si Abraham. Iya gayod nga gipakita ang iyang padayon nga kaayo sa akong agalon. Gigiyahan niya ako ngadto sa panimalay sa mga paryente sa akong agalon.”

2 Samuel 18:28

Pag-abot ni Ahimaaz, nangumusta siya sa hari ug miluhod agig pagtahod kaniya. Unya miingon siya, “Dalaygon ang Ginoo nga imong Dios, Mahal nga Hari! Gipadaog ka niya batok sa mga tawo nga mirebelde kanimo.”

1 Mga Hari 8:15

Miingon siya: “Dalaygon ang Ginoo, nga Dios sa Israel. Gituman niya ang iyang gisaad sa akong amahan nga si David. Miingon siya kaniadto,

1 Mga Hari 8:56

“Dalaygon ang Ginoo nga naghatag ug kapahulayan sa iyang katawhan nga mga Israelinhon sumala sa iyang gisaad. Gituman gayod niya ang tanang gisaad niya kang Moises nga iyang alagad.

Salmo 41:13

Dalaygon ang  Ginoo, nga Dios sa Israel, sa walay kataposan. Amen! Amen!

Lucas 1:68

“Dayegon nato ang Ginoo nga Dios sa Israel! Kay mianhi siya aron sa pagluwas kanato nga iyang mga katawhan.

Mga Taga-Efeso 1:3

Dalaygon gayod ang Dios ug Amahan sa atong Ginoong Jesu-Cristo! Tungod kay kita anaa kang Cristo, gihatagan niya kita sa tanang mga panalangin nga espirituhanon. Kini nga mga panalangin gikan sa langit.

1 Mga Taga-Tesalonica 3:9

Hilabihan ang among pagpasalamat sa Dios sa kalipay nga iyang gihatag kanamo tungod sa inyong pagtuo.

1 Pedro 1:3

Dayegon ta ang Dios ug Amahan sa atong Ginoong Jesu-Cristo! Tungod sa iyang dako nga kaluoy kanato, natawo kita pag-usab pinaagi sa pagkabanhaw ni Jesu-Cristo. Mao kini ang naghatag kanato ug dakong paglaom nga adunay gitagana ang Dios kanato nga panulondon. Kini nga panulondon atua sa langit, kanunay nga hinlo ug matahom, ug dili gayod mawala.

1 Samuel 15:6

Nagpadalag mensahe si Saulo sa mga Kenihanon, nga nag-ingon: “Pahawa! Biyai ninyo ang mga Amalekanhon aron dili ko kamo laglagon uban kanila, kay maayo kamo sa tanang mga Israelinhon sa dihang migawas sila gikan sa Ehipto.” Busa nagpahilayo ang mga Kenihanon sa mga Amalekanhon.

1 Samuel 25:32

Miingon si David kang Abigail, “Dalaygon ang Ginoo, nga Dios sa Israel, nga nagpadala kanimo karong adlawa sa pagpakigkita kanako.