Exodo 16:20 - Ang Pulong sa Dios

²⁰ Apan ang uban kanila wala magpatuo kang Moises, nagbilin gayod sila alang sa sunod nga adlaw. Apan giulod kini ug nabaho. Busa nasuko si Moises kanila.

Ang Biblia 2011

²⁰ Apan wala sila mamati kang Moises, hinuon ang uban nagsalin niini hangtod sa pagkabuntag, ug kini giulod ug napan-os, ug nasuko si Moises kanila.

Maayong Balita Biblia

²⁰ Apan ang uban wala mamati kang Moises ug nagsalin sila alang sa sunod adlaw. Sa pagkabuntag giulod kini ug nabaho. Busa nasuko si Moises kanila.

Ang Bag-ong Maayong Balita Biblia

²⁰ Apan ang uban wala mamati kang Moises ug nagsalin sila alang sa sunod adlaw. Sa pagkabuntag giulod kini ug nabaho. Busa nasuko si Moises kanila.

Exodo 16:20 Cross References

Exodo 16:19

Miingon si Moises kanila, “Walay magbilin niini alang sa sunod nga adlaw.”

Exodo 16:21

Kada buntag magkuha ang kada usa sumala sa iyang gikinahanglan. Ug kon motaas na ang adlaw, mangatunaw ra usab kini.

Exodo 16:24

Busa gitipigan nila ang nahibilin alang sa pagkasunod nga adlaw sumala sa gisugo kanila ni Moises. Ug wala kini ulora ni mabaho.

Numeros 12:3

(Si Moises mapainubsanon kaayo labaw kaysa tanang mga tawo sa kalibotan.)

Numeros 16:15

Nasuko pag-ayo si Moises ug miingon siya sa Ginoo, “Ayaw dawata ang ilang mga halad. Wala ako makasala kang bisan kinsa kanila; wala akoy gikuha kanila nga bisan usa ka asno.”

Mateo 6:19

“Ayaw kamo pagtigom ug bahandi alang sa inyong kaugalingon dinhi sa kalibotan, tungod kay ang mga gagmayng mananap ug ang taya mokutkot niini, o mahimong sudlon sa kawatan ang inyong balay aron mangawat.

Marcos 10:14

Pagkakita ni Jesus niadto nasuko siya ug miingon sa iyang mga tinun-an, “Pasagdi lang ninyo ang mga bata nga moduol kanako. Ayaw ninyo sila pugngi, kay ang mga sama kanila nasakop sa paghari sa Dios.

Marcos 3:5

Nasubo si Jesus tungod sa kagahi sa ilang kasing-kasing ug masuk-anon nga mitan-aw kanila. Unya miingon siya sa tawo nga baldado ug kamot, “Ituy-od ang imong kamot!” Gituy-od niya, ug naayo kini.

Lucas 12:15

Unya misulti si Jesus sa mga tawo, “Pagbantay kamo sa tanang matang sa pagkahakog, kay ang tinuod nga pagkinabuhi dili diha sa kadaghan sa kabtangan.”

Lucas 12:33

Ibaligya ninyo ang inyong mga kabtangan, ug ihatag ang kuwarta ngadto sa mga kabos aron makatigom kamo ug bahandi didto sa langit. Dili gayod kini makuhaan o madunot, tungod kay didto walay kawatan nga makaduol ug walay gagmayng mga mananap nga makakutkot.

Mga Taga-Efeso 4:26

Kon masuko kamo, pagbantay nga dili kamo makasala. Ug ayaw ninyo palungtara ang inyong kasuko sa tibuok adlaw.

Mga Hebreo 13:5

Likayi ninyo ang paghigugma sa kuwarta ug pagkontento kamo sa unsa lay anaa kaninyo, tungod kay nag-ingon ang Dios, “Dili ko gayod kamo biyaan, ug dili ko gayod kamo pasagdan.”