Exodo 16:14 - Ang Pulong sa Dios

¹⁴ Sa dihang nawala na ang yamog, aduna silay nakita sa yuta nga nipis nga mga butang nga labihan kaputi.

Ang Biblia 2011

¹⁴ Ug sa dihang nahanaw ang yamog nga milukop sa kampo, ilang nakita nga sa kamingawan dihay usa ka butang nga nipis ug puti, gamay nga sama ka nipis sa yamog diha sa yuta.

Maayong Balita Biblia

¹⁴ Sa pagkauga sa yamog, nakakita sila ug mga butang nga nipis ug puti, sama ka nipis sa yamog diha sa yuta.

Ang Bag-ong Maayong Balita Biblia

¹⁴ Sa pagkauga sa yamog, nakakita sila ug mga butang nga nipis ug puti, sama ka nipis sa yamog diha sa yuta.

Exodo 16:14 Cross References

Nehemias 9:15

Sa dihang gigutom sila, gihatagan mo silag pagkaon gikan sa langit, ug sa dihang giuhaw sila, gipainom mo silag tubig gikan sa bato. Giingnan mo sila nga sudlon nila ug panag-iyahon ang yuta nga imong gisaad nga ihatag kanila.

Salmo 105:40

Nangayo sila ug pagkaon, ug gipadad-an sila sa Dios ug mga buntog, ug gibusog niya sila sa pagkaon nga gikan sa langit.

Salmo 147:16

Ginatabonan niya ang yuta ug snow nga daw sama sa habol nga puti, ug ginakatag niya ang pinong ice nga daw sama sa abog.

Salmo 78:24

ug gipaulanan niya sila ug pagkaon nga gitawag ug manna. Gihatag niya kanila ang pagkaon nga gikan sa langit aron ilang kan-on.

Exodo 16:31

Gitawag sa mga Israelinhon ang maong pagkaon ug manna. Daw liso kini nga gagmay ug puti, ug tam-is kini sama sa nipis nga pan nga adunay dugos.

Deuteronomio 8:3

Gipaubos niya kamo ug gipagutman, ug unya gihatagan niya kamo ug manna, kini usa ka matang sa pagkaon nga wala pa gayod ninyo sukad matilawi ug sa inyong mga katigulangan. Gihimo kini sa Ginoo sa pagtudlo kaninyo nga dili lang sa pagkaon mabuhi ang tawo, kondili sa matag pulong sa Ginoo.